ःलोकसंख्या दिनानिमित्त सावर्डेत जनजागृती फेरी

-ratchl११८.jpg -
P२४M९६४५७
चिपळूण ः घोषवाक्य स्पर्धेत व जनजागृती फेरीत सहभागी विद्यार्थी.
-------------------

लोकसंख्या दिनानिमित्त सावर्डेत जनजागृती फेरी

चिपळूण, ता. ११ ः सावर्डे येथील गोविंदराव निकम माध्यमिक व उच्च माध्यमिक विद्यालयात विविध उपक्रमांद्वारे जागतिक लोकसंख्या दिन साजरा करण्यात आला. या दिनाचे औचित्य साधून जागतिक लोकसंख्या विस्फोटाचे दुष्परिणाम विद्यार्थ्यांपर्यंत पोहोचवण्यासाठी पोस्टर स्पर्धा घेण्यात आली. स्पर्धेत पाचवी ते सातवीच्या ७० विद्यार्थ्यांनी सहभाग नोंदवला.
समाज जागृतीसाठी उपयुक्त अशा पोस्टरांची विद्यार्थ्यांनी निर्मिती केली. जागतिक लोकसंख्या विषयक माहिती देणारे सचित्र भित्तीपत्रक शिक्षिका अपर्णा डिके व सिद्धी सावंत यांनी तयार केले. या भिंत्तीपत्रकाचे उदघाट्न ज्येष्ठ शिक्षक सुरेंद्र अवघडे यांच्या हस्ते करण्यात आले. सकाळ सत्रात अमित साळवी, तर दुपार सत्रात अपर्णा डिके यांनी लोकसंख्या वाढीचे दुष्परिणामांविषयी माहिती दिली. यानिमित्ताने सावर्डे परिसरात जनजागृती फेरी काढण्यात आली. कार्यक्रमाला प्राचार्य राजेंद्र वारे, उपप्राचार्य विजय चव्हाण, पर्यवेक्षक उद्धव तोडकर, सर्व शिक्षक, कर्मचारी व विद्यार्थी उपस्थित होते.