रत्नागिरी ः मत गंमत

मत-गंमत---------लोगो

सत्याचा जय होतोच.....

निवडणुकीत सर्वच कार्यकर्ते व्यस्त झालेले आहेत. या सगळ्याचा सर्वाधिक बहर ग्रामीण भागात दिसतोय. वाडीवस्तीत कोण-कुठे जाणार अशीच चर्चा रंगलेली आहे. गावकारांच्या घरात साऱ्यांचीच ये-जा सुरु झाली आहे. गावातील काही तरुण मंडळी यावर वॉच ठेवून आहेतच. जिथे वजन मोठे तिथे तरुणांची जाण्याची धडपड सुरु आहे. गावातही तरुणांची गटबाजी सुरु झाली आहे. सुशिक्षितांचा गट वेगळा असे ही चित्र दिसत आहे. गावातील तरुण राज हा राजकारणी असला तरी तो धार्मिक होता. त्याने आपल्या मित्रांना सांगितले. काम करत राहा. फळाची अपेक्षा करु नका. गावाचा विकास महत्वाचा. त्यावर रवी म्हणाला, आपण पुढे जाणार कसे लक्ष्मीचा पाऊस गावात पडला तर करायचे काय? सर्वच चिंतेत पडले पण रवीने पुन्हा उद्बोधन केले. योग्यता, प्रारब्ध आणि कर्म याचा हिशोब करुन नियती योग्य तेवढेच देत असते. अपेक्षीत यश निश्चित मिळेल सत्याचा जय होतोच...!

नरेश पांचाळ-रत्नागिरी