राजापूर- हायस्कुलमधील स्वच्छतागृहासाठी दोन लाखाची देणगी

- rat३१p२७.jpg-
२४N२२४४८
राजापूर ः शिक्षक-पालक संघातर्फे दिलेला धनादेश स्वीकारताना राजापूर शिक्षण प्रसारक मंडळाचे कार्यवाह जगदीश पवार.
------------
राजापूर हायस्कूलच्या स्वच्छतागृहासाठी दोन लाखांची देणगी

पालक-शिक्षक संघाचा पुढाकार ; सामाजिक बांधिलकीचे कौतुक
सकाळ वृत्तसेवा
राजापूर, ता. ३१ ः पालक-शिक्षक संघाने दिलल्या दोन लाख रूपयांच्या देणगीतून राजापूर हायस्कूलमधील विविध सोयीसुविधांनी युक्त स्वच्छतागृह उभारण्यात येणार आहे. पालक आणि शिक्षक-संस्था यांच्यामध्ये समन्वयक म्हणून महत्वपूर्ण भूमिका बजावली. तसेच पालक-शिक्षक संघाने जोपासलेल्या या सामाजिक बांधिलकीचे कौतुक होत आहे.
राजापूर शिक्षण प्रसारक मंडळाच्या कार्यकारी मंडळाचे कार्यवाह जगदीश पवार यांच्याकडे देणगीच्या रक्कमेचा धनादेश नुकताच शिक्षक पालक संघाचे उपाध्यक्ष सुघोष काळे, प्रशालेचे मुख्याध्यापक जगदीश भालशंकर, पालक प्रतिनिधी, पालक शिक्षक संघाचे प्रतिनिधी आदींनी नुकताच सुपूर्द केला. विद्यार्थ्यांच्या शैक्षणिक प्रगतीसाठी सर्वकष चर्चा करून निर्णय घेता यावा यादृष्टीने शहरातील राजापूर हायस्कूलमध्ये शिक्षक-पालक संघाची स्थापना करण्यात आली आहे. या शिक्षक-पालक संघाच्या गत महिन्यामध्ये झालेल्या सभेमध्ये विद्यार्थीनींच्या स्वच्छता गृहाच्या समस्येवर चर्चा केली होती. या चर्चेवेळी सर्वसोयी सुविधांनीयुक्त स्वच्छतागृह असावे अशी मागणी केली होती. मुलांसह पालकांची मागणी लक्षात घेवून संस्थेकडून सर्वसोयींनीयुक्त स्वच्छतागृह उभारण्यासाठी प्रयत्न सुरू केले. त्याला प्रतिसाद देत शिक्षक-पालक संघाने दोन लाख रुपयांची मदत दिली.
-------
कोट
शाळेतील सुविधांसाठी पालक-शिक्षक संघाने मदत करुन सामाजिक बांधिलकी दाखवून दिली आहे. ही कौतुकास्पद बाब आहे. प्राप्त निधीतून सुसज्ज स्वच्छतागृह उभारण्यात येईल.
- जगदीश पवार, कार्यवाह