इन्फिगो आय केअर हॉस्पीटलमध्ये २७ पासून डोळ्यांच्या पडद्याची तपासणी

इन्फिगो आय केअर हॉस्पीटलमध्ये
२७ पासून डोळ्यांच्या पडद्याची तपासणी
सकाळ वृत्तसेवा
रत्नागिरी, ता. २४ : इन्फिगो आय केअर हॉस्पीटलतर्फे येत्या २७ ते २९ नोव्हेंबरदरम्यान इन्फिगो हॉस्पिटलमध्ये येथे प्रख्यात रेटिनातज्ञ डॉ. प्रसाद कामत डोळयांच्या पडद्याच्या आजारावर तपासणी व शस्त्रक्रिया करणार आहेत.
या हॉस्पीटलमध्ये अत्याधुनिक रेटिना विभाग आहे. रेटिनातज्ञ डॉ. प्रसाद कामत अतिशय अवघड व गुंतागुतीच्या शस्त्रक्रिया हॉस्पिटल सुरू झाल्यापासून करीत आहेत. आता डॉ. कामत या महिना अखेरीस रुग्णांची तपासणी व शस्त्रक्रिया करणार आहेत.
इन्फिगोच्या रेटिना विभाग बी स्कॅन, ग्रीन लेझर, थ्री डी ओसीटी व अत्याधुनिक अर्टली मशीन अशा यंत्रांनी सुसज्ज आहे. सतत चष्माचा नंबर बदलणे, अचानक नजर कमी होणे, पडदा सरकणे किंवा पडद्याला सूज येणे, डायबेटिसमुळे दृष्टी कमी होणे, ४० वर्षांपेक्षा अधिक वय असल्यास, डोळ्यातील प्रेशर वाढणे, डोळ्यापुढे काळे ठिपके दिसणे, वजा ३ पेक्षा अधिक नंबरच चष्मा असल्यास, मुख्य डायबेटीस असणाऱ्यांनी रुग्णालयात डोळ्यांच्या पडद्याची तपासणी करून घ्यावी. कारण डायबेटिसमुळे डोळ्यांच्या पडद्यावर दुष्परिणाम होत असतात व ते कायमस्वरूपी असतात. ही लक्षणे असलेल्या रुग्णांनी या संधीचा लाभ घ्यावा, असे आवाहन हॉस्पीटलतर्फे केले आहे.
तीन दिवस होणाऱ्या रेटिना तपासणीसाठी पूर्वनोंदणी आवश्यक आहे. तपासणीसाठी थोडा वेळ लागत असल्याने सोबत एक व्यक्ती असणे आवश्यक आहे. तरी रत्नागिरी, लांजा, देवरुख, संगमेश्वर, राजापूर येथील नागरिकांनी हॉस्पीटलशी संपर्क साधून नावनोंदणी करावी, असे आवाहन इन्फिगो हॉस्पिटलने केले आहे.