प्लास्टिक बंदीचा
खेडमध्ये पुरता फज्जा
खेड, ता. २४ : खेड शहरात प्लास्टिक बंदीचा पुरता फज्जा उडाला आहे. नगरपालिकेची यंत्रणा विधानसभा निवडणूक प्रक्रियेत गुंतल्याचा फायदा उठवत सर्रासपणे प्लास्टिक पिशव्यांचा वापर केला जात आहे.
प्लास्टिक पिशव्यांच्या वापरास बंदी असतानाही शासनाचे आदेश पायदळी तुडवत प्लास्टिक पिशव्यांचा वापर केला जात आहे. यापूर्वी नगरपालिकेने प्लास्टिक पिशव्या वापरणाऱ्यांना दणका दिला होता. मात्र कारवाईची मोहीम तूर्तास थंडावल्याचा फायदा उठवत पुन्हा प्लास्टिकचा वापर सुरू झाला आहे. यामुळे पर्यावरणाची हानी होत आहे. मुख्याधिकारी महादेव रोडगे यांच्या मार्गदर्शनाखाली प्लास्टिक पिशव्यांचा वापर करणाऱ्यांना दणका देण्याची मोहीम घेण्यात आली होती. मात्र त्यात विधानसभा निवडणुकीमुळे या माहिमेत खोडा पडला. याचा फायदा काही व्यावसायिक व व्यापाऱ्यांनी उठवला असून प्लास्टिक पिशव्यांचे साठे करत सर्रासपणे विक्री केली जात आहे.
शहरातील काही व्यावसायिकांकडे प्लास्टिक पिशव्यांचे साठे करण्यात आल्याची बाब समोर आली आहे. बहुतांश विक्रेत्यांकडून ग्राहकांना प्लास्टिक पिशवी उपलब्ध करून दिली जात आहे. यामुळे शहरात प्लास्टिक बंदीचे पुरते तीनतेरा वाजले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
