जिल्ह्यात हनुमान चालीसा पठण

- rat३१p१.jpg-
२५N५४५६५
रत्नागिरी : येथील दक्षिणाभिमुख हनुमान मंदिरात सामूहिक श्री हनुमान चालिसा पठण करताना भाविक.--
----
चौकट हिंदु राष्ट्राच्या स्थापनेसाठी
जिल्ह्यात हनुमान चालीसा पठण
सकाळ वृत्तसेवा
रत्नागिरी, ता. ३१ : हिंदु राष्ट्राच्या स्थापनेसाठी सनातन संस्थेच्या वतीने देशभरात एकाच वेळेस सामूहिक श्री हनुमान चालिसा पठणाचा कार्यक्रम आयोजित केला. जिल्ह्यात ७० ठिकाणी हा कार्यक्रम उत्साहात झाला.
देशभरातील श्री हनुमान मंदिरे, श्रीराम मंदिरे यांसह हिंदू मंदिरे, धार्मिक स्थळांवर २० हजारांहून भाविक, साधक, हिंदुत्वनिष्ठ सहभागी झाले. यात हिंदुत्ववादी संघटनांचे प्रतिनिधी, अधिवक्ते, उद्योजक, विचारवंत आदी विविध क्षेत्रातील मान्यवर मंडळीही सहभागी झाली होती. त्यांचा या पठणाच्या कार्यक्रमात उत्साहपूर्ण सहभाग होता.
जिल्ह्यातील सर्व तालुक्यांमध्ये सुमारे ७० ठिकाणी कार्यक्रम यशस्वी झाला. २९ मार्च रोजी शनिगोचर अर्थात् श्री शनिदेवानी कुंभ राशीतून मीन राशीत प्रवेश केला आहे. या शनिगोचरचा भाविकांना अध्यात्मिक स्तरावर लाभ होण्यासाठी आणि हिंदु राष्ट्राची लवकरात लवकर स्थापना होण्यासाठी देशभरात सामूहिक श्री हनुमान चालिसा पठणाचा कार्यक्रम आयोजित केला. श्री हनुमान चालिसा पठणाच्या वेळी श्री हनुमंत आणि श्री शनिदेव यांच्या चरणी हिंदु राष्ट्राची लवकरात लवकर स्थापना होण्यासाठी सामूहिक प्रार्थना करण्यात आली. या उपक्रमात सहभागी झालेल्या अनेकांनी अध्यात्मिक अनुभूतीचा लाभ घेतला. तसेच राष्ट्र आणि धर्म कार्य करतांना अशा उपक्रमांतून ऊर्जा मिळाल्याचे मनोगत भाविकांनी व्यक्त केले.