डेरवण येथे विद्यार्थ्याची आत्महत्या

डेरवण येथे विद्यार्थ्याची आत्महत्या
चिपळूण : डेरवण येथे एका विद्यार्थ्याने गळफास घेऊन आत्महत्या केली आहे. ही घटना २ एप्रिल रोजी रात्रीच्या सुमारास घडली. याबाबत सावर्डे पोलिसांनी दिलेल्या माहितीनुसार, रोहन संदीप घाग्राम हा डेरवण येथील मुलांच्या वसतिगृहात राहत होता. दरम्यान, आपला मित्र सकाळी उशिरापर्यंत उठला नाही, रूमचे दार उघडले नाही म्हणून दुपारच्या वेळेत त्याच्या मित्रांनी दरवाजा ठोठावला. मात्र, तो उघडत नाही हे लक्षात येताच जोरात ढकलून उघडला. त्यानंतर मित्र आतमध्ये गेले. त्यावेळी त्यांना रोहनने रूममधील सिलिंग फॅनला नायलॉन दोरी बांधून गळफास घेऊन आत्महत्या केल्याचे दिसून आले. या वेळी तत्काळ डेरवण येथील वैद्यकीय अधिकाऱ्यांना बोलावण्यात आले. यानंतर डॉक्टरांनी तपासाअंती त्याला मृत घोषित केले.