खेडशी हायस्कूलचे तिघे गुणवत्ता यादीत

खेडशी हायस्कूलचे
तिघे गुणवत्ता यादीत
रत्नागिरीः शहराजवळील खेडशी माध्यमिक शिक्षणसंस्थेच्या श्री महालक्ष्मी माध्यमिक विद्यालयातील विद्यार्थिनी मृण्मयी पानवलकर ही एनएमएमएस परीक्षेच्या गुणवत्ता यादीत आली आहे. तिला दरवर्षी १२ हजार शिष्यवृत्ती चार वर्षे असे एकूण ४८ हजार हजार रुपये मिळणार आहे तसेच विद्यालयातील सारथी शिष्यवृत्तीसाठी निधी सावंतदेसाई व प्रिती चव्हाण या विद्यार्थिनींची निवड झाली आहे. त्या दोघींना दरवर्षी ९ हजार ६०० शिष्यवृत्ती असे चार वर्षे ३८ हजार ४०० प्रत्येकी मिळणार आहे.
---
काव्या सावंतदेसाई
राज्यात चौथी
रत्नागिरी ः इंडियन टॅलेंट सर्च (आयटीएसई) परीक्षा जानेवारी २०२५ मध्ये घेण्यात आलेल्या परीक्षेत शहरानजीकच्या खेडशी माध्यमिक शिक्षणसंस्थेचे श्री महालक्ष्मी प्राथमिक विद्यालयातील पहिलीतील विद्यार्थिनी काव्या सावंतदेसाई २०० पैकी १९४ गुण मिळवून राज्यात चौथी आली आहे तसेच साई कदम याने २०० पैकी १९० गुण मिळवून जिल्ह्यात प्रथम तर सावी कदम २०० पैकी १८२ गुण मिळवून पाचवी आली आहे. या परीक्षेत पहिलीतील नील सावंतदेसाई व श्रेयस इरळे याने २०० पैकी १७२ गुण मिळवून खेडशी केंद्रामध्ये प्रथम तर आराध्या जोशीलकर २०० पैकी १७० गुण मिळवून तृतीय आली आहे तसेच भावेश सांडिम (इ. ६वी) मधून १९८ गुण मिळवून खेडशी केंद्रात प्रथम तर अभय भारती १९२ गुण मिळवून दुसरा आला आहे.