अधिकाऱ्यांनो, जबाबदारीने काम करा
59245
अधिकाऱ्यांनो, जबाबदारीने काम करा
संघटनेच्या सूचना ः नवनियुक्त ४२ कंत्राटी ग्रामपंचायत अधिकाऱ्यांचे स्वागत
सकाळ वृत्तसेवा
कणकवली, ता. २२ ः जिल्ह्यात नव्याने नियुक्त झालेल्या ग्रामपंचायत अधिकाऱ्यांनी आपले काम जबाबदारीने करावे, अशा सूचना महाराष्ट्र राज्य ग्रामपंचायत अधिकारी संघटनेच्या वतीने देण्यात आल्या. जिल्ह्यातील नवनियुक्त ४२ कंत्राटी ग्रामपंचायत अधिकाऱ्यांचे जिल्हा संघटनेकडून स्वागत आणि मार्गदर्शन शिबिर आयोजित केले होते. यावेळी संघटनेच्या पदाधिकाऱ्यांनी मार्गदर्शन केले.
महाराष्ट्र राज्य ग्रामपंचायत अधिकारी सिंधुदुर्ग शाखेतर्फे जिल्ह्यात मागील काही दिवसांत ४२ कंत्राटी ग्रामपंचायत अधिकारी नियुक्त झाले होते. त्या सर्वांसाठी जिल्हा संघटनेकडून ग्रामसेवक पतसंस्था कार्यालय ओरोस येथील सभागृहात स्वागत व मार्गदर्शन शिबिर घेण्यात आले. यावेळी निवृत्त ग्रामपंचायत अधिकारी आणि विस्तार अधिकाऱ्यांचा सत्कार करण्यात आला. यात नारायण माणगावकर, सहदेव राऊळ, नितीन भाट, श्रीमती सुनीता जाधव, श्रीमती सुवर्णलता लुडबे आदींचा समावेश होता. तसेच पदोन्नत ग्रामपंचायत अधिकारी दीपक तेंडुलकर, तुषार हळदणकर यांची विस्तार अधिकारीपदी पदोन्नती झाल्यामुळे त्यांचाही सत्कार झाला. राज्य आदर्श ग्रामसेवक पुरस्कार प्राप्त विवेक वजरटकर यांचाही विशेष सत्कार करण्यात आला. यावेळी उपाध्यक्ष संदीप गवस, महिला उपाध्यक्ष भक्ती शेटकर, कोषाध्यक्ष सुनील देसाई, जिल्हा संघटक उज्ज्वल झरकर, सहसचिव प्रवीण नेमण, प्रसिद्धी प्रमुख अनिल चव्हाण, पतसंस्था व्हॉइस चेअरमन नीतेश तांबे आदी उपस्थित होते. सरचिटणीस संतोष पालवे यांनी सूत्रसंचालन केले.
---
कामकाजाविषयी मार्गदर्शन
यावेळी महाराष्ट्र राज्य ग्रामपंचायत अधिकारी संघटना जिल्हा सिंधुदुर्गचे जिल्हाध्यक्ष प्रशांत वर्दम यांनी नवनियुक्त कंत्राटी ग्रामसेवकांना ग्रामपंचायतीचे कामकाज, प्रशासनिक कामकाज, योजनेची माहिती आदींवर, तसेच संघटना आणि पतसंस्थांचे महत्त्व पटवून दिले. सरचिटणीस संतोष पालव यांनी मार्गदर्शन केले. पतसंस्था चेअरमन अमित दळवी यांनी पतसंस्थेबाबतची सभासदांना माहिती दिली. कार्याध्यक्ष प्रसाद ठाकूर, महिला संघटक श्रीमती सुजाता जगताप यांनीही मार्गदर्शन केले. नवनियुक्त कंत्राटी ग्रामपंचायत अधिकाऱ्यांनी विचार मांडले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.