ओटवणेत उद्या दशावतारी नाटक

ओटवणेत उद्या
दशावतारी नाटक
ओटवणेः ओटवणे-शेरवाळेवाडी येथील श्री ब्राह्मण मंदिराच्या वार्षिक उत्सवानिमित्त शनिवारी (ता. १०) विविध कार्यक्रमांचे आयोजन केले आहे. यानिमित्त सकाळी ९ वाजता श्री गणेश पूजन व अभिषेक, ११ वाजता सत्यनारायण महापूजा, दुपारी १२ वाजता महाआरती, १.३० वाजता महाप्रसाद, सायंकाळी ४.३० वाजता ग्रामस्थांची भजने, सायंकाळी ६.३० वाजता महिला व मुलांचे विविध मनोरंजनात्मक कार्यक्रम, रात्री ९ वाजता विघ्नहर्ता रामेश्वर दशावतार नाट्यमंडळ (निगुडे) यांचा नाट्यप्रयोग होणार आहे.
...................
किनळेत आज
धार्मिक कार्यक्रम
सावंतवाडीः किनळे येथील देवी माऊली-सातेरीचा वाढदिवस सोहळा उद्या (ता. ९) होणार आहे. यानिमित्त सकाळी ९ वाजता देवी माऊली चरणी महाभिषेक, १० वाजता लघुरुद्र, ११ वाजता होमहवन, दुपारी १२ वाजता बलिदान, पुण्याहुती, महाआरती, सामुदायिक गार्‍हाणे, महाप्रसाद, सायंकाळी ४ वाजता श्रींची महापूजा, महाआरती, तीर्थप्रसाद, महिलांचा दीपोत्सव व महाप्रसाद, रात्री १०.३० वाजता मळगाव येथील देवी भूमिका दशावतार नाट्यमंडळाचा ‘भक्त शिरोमणी संत कबीर’ हा ट्रिकसीनयुक्त नाट्यप्रयोग होणार आहे. लाभ घेण्याचे आवाहन देवी माऊली-सातेरी देवस्थान कमिटीने केले आहे.
......................
रेडी येथे उद्या
वर्धापन सोहळा
सावंतवाडीः रेडी वारखंडकरवाडी, हुडा येथील श्री देव राष्ट्रोळी मंदिरचा आठवा वर्धापन दिन सोहळा शनिवारी (ता. १०) होणार आहे. यानिमित्त सकाळी ९ वाजता धार्मिक विधी, १० वाजता श्री सत्यनारायण महापूजा, दुपारी १२ वाजता आरती व महाप्रसाद, सायंकाळी ४ वाजता भजने, ७ वाजता मुलांचे सांस्कृतिक कार्यक्रम, रात्री ८ वाजता रामेश्वर दशावतार नाट्यमंडळ, वेंगुर्ले यांचा ‘कालिका अवतार’ हा नाट्यप्रयोग होणार आहे.
......................
आरवली येथे उद्या
‘वराही देवी’ नाटक
वेंगुर्लेः आरवली येथील देव वेतोबा देवस्थान अंगभूत बांधवाडी येथील देवी म्हाळसाई मंदिरचा १९ वा वाढदिवस शनिवारी (ता. १०) विविध धार्मिक कार्यक्रमांनी साजरा होत आहे. सकाळी ८ पासून धार्मिक विधी, दुपारी १२ वाजता आरती, १ ते ३ वाजता महाप्रसाद, सायंकाळी ६ वाजता भजन, ७.३० वाजता महापुरुष कलावैभव दशावतार नाट्यमंडळ, देवबागचा ''वराही देवी'' नाट्यप्रयोग होणार आहे. लाभ घेण्याचे आवाहन कांबळी बंधू व आरवली-बांधवाडी ग्रामस्थांनी केले आहे.
......................
सातार्ड्यात आज
विविध कार्यक्रम
सावंतवाडीः सातार्डाचे ग्रामदैवत रवळनाथ पंचायतन देवस्थानचा वाढदिवस सोहळा उद्या (ता. ९) साजरा होत आहे. यानिमित्त सकाळपासून धार्मिक कार्यक्रम, सत्यनारायण महापूजा, आरती, तीर्थप्रसाद, महाप्रसाद होणार आहे. रात्री ९.३० वाजता श्री देव रवळनाथ नाट्य मंडळाचा वसंत कानेटकर लिखित व गणेश ठाकूर दिग्दर्शित ‘रायगडला जेव्हा जाग येते’ हा ऐतिहासिक दोन अंकी नाट्यप्रयोग होणार आहे. लाभ घेण्याचे आवाहन ग्रामस्थांतर्फे केले आहे.
.......................