जिल्ह्यातील ६,४६७ ग्राहकांना वीज बिल नको

‘एसएमएस’द्वारे सहा हजार ग्राहकांना वीजबिल
जिल्ह्यात महावितरणच्या गो-ग्रीन योजनेला प्रतिसाद ; कागदाचा वापर घटला
सकाळ वृत्तसेवा
रत्नागिरी, ता. ३ ः महावितरणच्या ग्राहकांनी वीजबिलासाठी छापील कागदाचा वापर पूर्णपणे बंद करून केवळ ई-मेल व एसएमएसचा पर्याय निवडल्यास वीजग्राहकांना प्रतिबिलात १० रुपयांची सवलत देण्यात येते. या योजनेत सहभागी ग्राहकांची वीजबिलांमध्ये वार्षिक १२० रुपयांची बचत होत असल्याने जिल्ह्यातील ६ हजार ४६७ ग्राहकांनी ग्रो ग्रीन योजनेत सहभागी होत छापील बिल नाकारले आहे.
महावितरणच्या संगणकीय प्रणालीद्वारे वीजबिल तयार झाल्यानंतर लगेचच ते गो-ग्रीन योजनेतील ग्राहकांना ई-मेलद्वारे पाठवण्यात येत आहे. एसएमएसद्वारे वीजबिलाची माहिती देण्यात येत आहे. यासोबत ग्राहकांनी प्रॉम्प्ट पेमेंटचा लाभ घेऊन हे वीजबिल आतापर्यंत जिल्ह्यातील ६ हजार ४६७ वीजग्राहकांनी गो-ग्रीन योजनेत ग्राहकांनी आपला सहभाग नोंदवला आहे. महावितरणच्या गो-ग्रीन योजनेचा पर्याय निवडण्यासाठी ग्राहकांनी वीजबिलावर छापलेल्या जीजीएन या १५ अंकी क्रमांची नोंदणी महावितरणच्या मोबाइल अॅपद्वारे किंवा महावितरणला करावी याबाबत अधिक माहिती संकेतस्थळावर उपलब्ध करून देण्यात आली असल्याचे महावितरणकडून सांगण्यात आले. ई-ऑफिस प्रणालीमध्ये प्रत्यक्ष कागदावरचा वापर न करता माहिती तंत्रज्ञानाचा वापर करून पेपरलेस कामावर भर आहे. वीजग्राहकांनी गो-ग्रीनच्या सवलतीचा लाभ घेतला तर छापील बिले कमी होऊन कागदाचा वापर कमी होईल व पेपरलेस कामाला चालना मिळेल तसेच पर्यावरणाचे रक्षण होईल.
वीजग्राहकांना छापील वीजबिलांची गरज भासल्यास, त्यांना ई-मेलद्वारे प्राप्त झाले तर दर महिन्याचे वीजबिल जतन करून ठेवतात. त्यामुळे त्यांना वीजबिल भरल्याची रंगीत प्रिंटही काढता येते. त्यामुळे ग्राहकांनी या योजनेला प्रतिसाद देत अनेक एसएमएस किंवा ई-मेलचा मार्ग वीजबिल भरण्यासाठी निवडला आहे.
---
संकेतस्थळावर वीजबिल उपलब्ध
गो-ग्रीन योजनेत सहभागी झालेल्या वीजग्राहकांना छापील वीजबिलांची गरज भासल्यास त्यांना ई-मेलद्वारे प्राप्त झालेले दरमहा वीजबिल संगणकात सॉफ्ट कॉपीमध्ये जतन करून ठेवता येईल. महावितरणच्या mahadiscom.in या अधिकृत संकेतस्थळावर चालू वीजबिलासह १२ महिन्याचे वीजबिल मूळ स्वरूपात उपलब्ध आहे. या योजनेचा लाभ घ्यावा, असे आवाहन महावितरणकडून करण्यात आले आहे.