तोंडवली नर्सिंग कॉलेजमध्ये विद्यार्थ्यांना योगासनांचे धडे

72102

तोंडवली नर्सिंग कॉलेजमध्ये
विद्यार्थ्यांना योगासनांचे धडे

सकाळ वृत्तसेवा
नांदगाव, ता. २१ ः जागतिक योग दिनानिमित्त नर्सिंग कॉलेज तोंडवली येथे प्रसिद्ध योगगुरू वामन गवस (दोडामार्ग) यांच्या मार्गदर्शनाखाली विद्यार्थ्यांनी विविध प्रात्यक्षिके केली. या उपक्रमास विद्यार्थ्यांचा उत्स्फूर्त प्रतिसाद मिळाला.
सिंधुदुर्ग एज्युकेशन सोसायटी संचलित श्री सरस्वती कॉलेज ऑफ नर्सिंग बीएससी जीएन, ए.एन.एम.च्या विद्यार्थ्यांनी आज नर्सिंग कॉलेजच्या सभागृहात गवस यांच्याकडून विविध प्रात्यक्षिकांची माहिती घेतली. कार्यक्रमाची सुरुवात सरस्वती पूजन व दीपप्रज्वलनाने झाली. प्राचार्या डॉ. शकुंतला नागराज, राष्ट्रीय सेवा योजना सन्मवयक प्रा. सागर भोसले, प्रा. धनराज खरात, रोहन सूर्यवंशी, उमेश वडर, आफिया बटवाले, रोहिणी सावंत, स्नेहल सातपुते, दीपिका गोसावी, सुष्टी कांजी, पल्लवी कदम आदी उपस्थित होते. भाजप कणकवली तालुकाध्यक्ष दिलीप तळेकर, माजी सभापती मनोज रावराणे, कणकवली तालुका सरचिटणीस पंढरी वायंगणकर आदींनी अल्पोपहाराची व्यवस्था केली. प्रा. नागराज यांनी गवस यांचा गौरव केला. जान्हवी सासोलकर हिने आभार मानले.