कासार्डेत कृषिदूतांचे स्वागत

72315

कासार्डेत कृषिदूतांचे स्वागत
तळेरे, ता. २२ : श्री अनगरसिद्ध शिक्षण प्रसारक मंडळ सांगुळवाडी महाविद‌यालयाचे अंतिम वर्षाचे विद्यार्थी ग्रामीण कृषी जागरुकता कार्यानुभव व कृषी औद्योगिक संलग्न अंतर्गत कासार्डे गावात दाखल झाले. त्यांचे ग्रामपंचायतीकडून स्वागत करण्यात आले. यामध्ये नरेंद्र बारावकर, सिद्धेश जाधव, मकरंद कोरडे, यश धुमाळ, तन्मय देशमुख, अथर्व लोणकर, गौरख तावरे, अथर्व पवार, रोहन किर्दक, शिवम सरक यांचा समावेश आहे. हे विद्यार्थी शेतकऱ्यांना विविध विषयांवर मार्गदर्शन तसेच आधुनिक कृषी तंत्रज्ञानाची माहिती देणार आहेत. प्राचार्य डॉ. स्वप्नील होळकर, टी. बी. गायकवाड, विवेक कदम यांच्या सूचनेनुसार ते मार्गदर्शन करणार आहेत. सरपंच निशा नकाशे, उपसरपंच गणेश पाताडे, ग्रामपंचायत अधिकारी गजानन कोलते, जिल्हा परिषद माजी सदस्य संजय देसाई, माजी सरपंच संतोष पारकर, ग्रामपंचायत सदस्य प्रणय जोशी, तंटामुक्त समिती अध्यक्ष श्रीरंग पातडे, महसूल अधिकारी श्री. जाधव, उत्तर गावठाण पोलिसपाटील सिद्धी मुणगेकर, आवळेश्वर पोलिसपाटील स्वाती पाताडे व सामाजिक कार्यकर्ते प्रकाश तिलेटीकर, आनंदनगर पोलिसपाटील अक्षय चव्हाण, तंटामुक्ती समिती अध्यक्ष शिवराम पाताडे उपस्थित होते.