स्पर्धा परीक्षांतून अधिकारी घडतील

72323

स्पर्धा परीक्षांतून अधिकारी घडतील

पोलिस निरीक्षक जगताप; खारेपाटणमध्ये गुणगौरव सोहळा

सकाळ वृत्तसेवा
तळेरे, ता. २२ : विद्यार्थ्यांनी एमपीएससी व यूपीएससीसारख्या स्पर्धा परीक्षांसाठी कठोर मेहनत घेऊन प्रशासकीय अधिकारी बनावे, असे आवाहन कणकवली पोलिस निरीक्षक श्री. जगताप यांनी केले. खारेपाटण हायस्कूल येथे आयोजित गुणवंत विद्यार्थी व पालक सत्कार सोहळ्यात ते बोलत होते.
पालकमंत्री नीतेश राणे यांच्या वाढदिवसानिमित्त शिवसेना उपतालुकाप्रमुख मंगेश गुरव यांच्या यश कॉम्प्युटर अॅकॅडमीतर्फे खारेपाटण तळेरे विभागातील दहावी व बारावी प्रथम क्रमांकाने उत्तीर्ण गुणवंत विद्यार्थ्यांचा व पालकांचा सत्कार समारंभ खारेपाटण हायस्कूल येथे आयोजित करण्यात आला. पोलिस निरीक्षक जगताप यांच्या प्रमुख उपस्थितीत हा कार्यक्रम झाला. यावेळी ‘दहावी-बारावीनंतरच्या करिअर दिशा’ या विषयावर जगताप यांनी मार्गदर्शन केले. यश कॉम्प्युटर अॅकॅडमी दरवर्षी हा उपक्रम आयोजित करते. खारेपाटण विभागातील खारेपाटण शेर्पे, वारगाव तसेच देवगड येथील कोर्ले-धालवली हायस्कूल येथील दहावीत प्रथम आलेल्या व खारेपाटण प्र. ल. पाटील ज्युनिअर कॉलेजमधील आर्ट्स कॉमर्स व सायन्स आदी विषयांत प्रथम आलेल्या गुणवंतांचा सत्कार करण्यात आला. या कार्यक्रमाला संस्थेचे अध्यक्ष प्रवीण लोकरे, मुख्याध्यापक संजय सानप, विभागप्रमुख गुरू शिंदे, संचालक योगेश गोडवे, शहर प्रमुख सुहास राऊत, पर्यवेक्षक राऊत, नितीन वरुणकर आदी उपस्थित होते. नितीन वरुणकर यांनी सूत्रसंचालन केले. कार्यक्रम संयोजक मंगेश गुरव यांनी आभार मानले.