सावर्डे ः आधुनिक तंत्र वापरण्यास शेतकऱ्यांना प्रेरित करा

rat23p7.jpg
72470
सावर्डेः आमदार शेखर निकम यांचा सन्मान करताना माजी विद्यार्थी.

आधुनिक तंत्र वापरण्यास
शेतकऱ्यांना प्रेरित करा
आमदार शेखर निकम ; खरवते महाविद्यालयात मेळावा
सकाळ वृत्तसेवा
सावर्डे, ता. २३ ः विद्यार्थ्यांनी एआय तंत्रज्ञानासह शेतीसाठी आवश्यक आधुनिक तंत्रज्ञानाचा वापर करून शेतीपूरक व्यवसायाला व्यावसायिक स्वरूप द्यावे तसेच सामाजिक बांधिलकी जपून सर्वसामान्य शेतकऱ्यांना या आधुनिक तंत्रज्ञानाचा वापर करण्यास प्रेरित करावे, असे प्रतिपादन आमदार शेखर निकम केले.
शरदचंद्रजी पवार कृषी व संलग्न महाविद्यालय, खरवते-दहिवली येथील २००१ ते २४ पर्यंतच्या माजी विद्यार्थ्यांचा पंढरपूर येथे स्नेहमेळावा झाला. या महाविद्यालयाच्या स्थापनेपासून आजतागायत झालेल्या शैक्षणिक प्रवासाचा त्यांनी आढावा घेतला. महाविद्यालयाचे प्राचार्य डॉ. सुनितकुमार पाटील हे प्रमुख पाहुणे म्हणून उपस्थित होते. शरदचंद्रजी पवार कृषी व संलग्न महाविद्यालयामार्फत स्थापन करण्यात आलेल्या सह्याद्री ॲग्री ॲल्युमनी असोसिएशन या संस्थेच्या माध्यमातून महाराष्ट्रातील सर्व जिल्ह्यातील माजी विद्यार्थ्यांना संघटित करणे, आजी-माजी विद्यार्थ्यांसोबत ऋणानुबंध कायम ठेवणे व त्यांच्या माध्यमातून विविध समाजोपयोगी उपक्रम राबवणे, हा प्रमुख उद्देश ठेवून पंढरपूरमध्ये प्रथमच या मेळाव्याचे आयोजन करण्यात आले होते.