राजन चव्हाणांचे एलएलबी परीक्षेत यश

rat23p1.jpg
72456
राजन चव्हाण
----------

राजन चव्हाण यांचे
एलएलबी परीक्षेत यश
रत्नागिरी, ता. २३ : आर्थिक परिस्थिती अत्यंत हलाखीची असतानाच प्रतिकूल परिस्थितीला तोंड देत राजन चव्हाण यांनी एलएलबी पदवी परीक्षेत यश मिळवले.
चव्हाण यांचे प्राथमिक आणि माध्यमिक शिक्षण सापुचेतळे (ता. लांजा) गावी झाले. त्यानंतर पुढील महाविद्यालयीन शिक्षणासाठी ते रत्नागिरी शहरात आले. घरची परिस्थिती बेताची असूनही, शिक्षणाची जिद्द आणि काहीतरी करून दाखवण्याची उर्मी त्यांच्या मनात कायम होती. रत्नागिरीतील भागोजीशेठ कीर लॉ कॉलेजमधून त्यांनी वकिलीचे शिक्षण पूर्ण केले. त्यांनी हे यश कष्ट आणि चिकाटीच्या जोरावर मिळवले आहे त्याचबरोबर उच्च शिक्षण घेण्याची त्यांची ध्येयनिष्ठा कौतुकास्पद आहे. या यशाचे श्रेय चव्हाण यांनी आपली बहीण योगिता शिवलकर यांना दिले आहे. बहिणीने दिलेल्या पाठिंब्यामुळे आणि प्रेरणेमुळेच हे शक्य झाल्याचे त्यांनी सांगितले.