महाडिक महाविद्यालयात योग दिन

72522

महाडिक महाविद्यालयात योग दिन
तळेरे : येथील वामनराव महाडिक माध्यमिक विद्यालय व कनिष्ठ महाविद्यालयात जागतिक योग दिन साजरा करण्यात आला. प्रत्येक विद्यार्थ्याने नियमित योगा करून शारीरिकदृष्ट्या निरोगी, मानसिकदृष्ट्या स्थिर आणि बौद्धिकदृष्ट्या प्रगल्भ बनण्याचे आवाहन प्रा. अविनाश मांजरेकर यांनी केले. यावेळी चक्रासन, सूर्यनमस्कार, धनुरासन, वक्रासन, शवासन, पवनासन, त्रिकोणासन, कपालभाती, सिंहासन, पद्मासन, पर्वतासन, सर्वांगासन, हलासन, धनुरासन, शीर्षासन आदी योगासनांची प्रात्यक्षिके सादर केली. सर्व विद्यार्थ्यांनी या आसनांचा सराव केला. स्काऊट-गाईड शिक्षक व योगा प्रशिक्षक डी. सी. तळेकर, पी. एन. काणेकर, क्रीडाशिक्षक एन. बी. तडवी आदी शिक्षक, शिक्षकेतर कर्मचारी व विद्यार्थी उपस्थित होते.
...................
72523

बांदा नाबर स्कूलमध्येही प्रात्यक्षिके
बांदा ः येथील व्ही. एन. नाबर मेमोरियल इंग्लिश मीडियम स्कूलमध्ये आंतरराष्ट्रीय योग दिवस शाळेच्या सभागृहात उत्साहात साजरा करण्यात आला. मुख्याध्यापिका मनाली देसाई यांनी योग दिनाचे औचित्य साधून आपल्या आयुष्यात योगाचे असलेले महत्त्व सांगितले. पतंजलीच्या योग शिक्षिका स्नेहा नाईक यांनी विविध योग प्रात्यक्षिके दाखविली. यावेळी विद्यार्थ्यांनी विविध योगासने, सूर्यनमस्कार, प्राणायाम व इतर आसनांची प्रात्यक्षिके केली. सर्व विद्यार्थ्यांनी उत्स्फूर्त प्रतिसाद दिला. सर्व विद्यार्थ्यांकडून विविध प्रकारची योगासने करवून घेण्यात आली व त्यांचे आपल्या शरीराला होणारे लाभ सांगितले. शिक्षक-शिक्षिका उपस्थित होत्या.