रोटरी क्लब ऑफ वेंगुर्लेच्या अध्यक्षपदी आनंद बोवलेकर

72801
आनंद बोवलेकर, डॉ. राजेश्वर उबाळे, अनमोल गिरप

रोटरी क्लब ऑफ वेंगुर्लेच्या
अध्यक्षपदी आनंद बोवलेकर

सचिवपदी डॉ. उबाळे; आज पदग्रहण

सकाळ वृत्तसेवा
वेंगुर्ले, ता. २४ ः रोटरी क्लब ऑफ वेंगुर्ला मिडटाऊनच्या २०२५-२६ या वर्षासाठी क्लबच्या अध्यक्षपदी आनंद बोवलेकर, सचिवपदी डॉ. राजेश्वर उबाळे व खजिनदारपदी अनमोल गिरप यांची नियुक्ती करण्यात आली आहे. या नूतन कार्यकारिणीचा पदग्रहण सोहळा उद्या (ता. २५) साई डिलक्स हॉल वेंगुर्ले येथे सायंकाळी सातला होणार आहे. क्लबचे मावळते अध्यक्ष योगेश नाईक यांनी आयोजित पत्रकार परिषदेत ही माहिती दिली.
नूतन सचिव डॉ. राजेश्वर उबाळे यांनी, उद्या (ता. २५) होणाऱ्या पदग्रहण सोहळ्याला असिस्टंट कोऑर्डिनेटर एन्ड पोलिओ झोन ७ चे नासीर बोरसादवाला व डॉ. प्रशांत कोलते यांची प्रमुख उपस्थिती असेल. या सोहळ्याला जिल्ह्यातील वेगवेगळ्या भागांतील ११ प्रेसिडेंट उपस्थित राहणार आहेत. नूतन अध्यक्ष बोवलेकर यांनी, या पदग्रहण सोहळ्यात रोटरी क्लबच्या सदस्यांच्या पाल्यांचा तसेच तालुक्यातील शैक्षणिक तसेच विविध क्षेत्रांतील गुणवंत, गरजू विद्यार्थ्यांचा सन्मान करण्यात येणार आहे. रक्तदान क्षेत्रात बहुमोल कार्य करणाऱ्या जय मांजरेकर, ग्रामीण रुग्णालयात काम करणाऱ्या आरोग्य सेविका विनिता तांडेल, २०१६ पासून वायरमन म्हणून उत्कृष्ट सेवा देणाऱ्या विशाल चेंदवणकर, ‘चार्मिंग मिस इंडिया’ किरण मेस्त्री व शरीर सौष्ठवपटू मंगेश गावडे यांचा सन्मान करण्यात आहे, असे नूतन अध्यक्ष बोवलेकर म्हणाले. मावळते प्रेसिडेंट नाईक यांनी आपल्या कार्यकाळात केलेल्या विविध सामाजिक कामांची माहिती दिली.