मंडणगडला आराखड्याबाबत दोनला सभा

मंडणगडला आराखड्याबाबत दोन जुलैला सभा
मंडणगड ः मंडणगड नगरपंचायतीचा प्रारूप विकास आरखडा १२ जूनला नगरपंचायत कार्यालयातील सूचनाफलकावर प्रसिद्ध करण्यात आला आहे. आराखड्याची विस्तृत माहिती देण्यासाठी २ जुलैला दुपारी १२ वाजता नगररचना अधिकारी विकास योजना तथा सहायक संचालक येथे येणार आहेत. या निमित्ताने सभेचे आयोजन करण्यात आले असून, नागरिकांनी सभेस हजर राहण्याचे आवाहन नगरपंचायतीने केले आहे.

73341
अमली पदार्थांच्‍या दुष्परिणामावर मार्गदर्शन
मंडणगड ः मंडणगड पोलिस ठाण्याच्या वतीने अमली पदार्थ विरोधी दिनाच्या निमित्ताने शहरातील लोकनेते गोपीनाथ मुंडे महाविद्यालय व डॉ. बाबासाहेब आंबेडकर कनिष्ठ महाविद्यालयात विद्यार्थ्यांना अमली पदार्थांचे दुष्परिणाम व त्यातून समाजावर आणि युवकावर होणारा परिणाम याबाबत मार्गदर्शन करण्यात आले. तसेच इतर कायद्यांचीसुद्धा माहिती देण्यात आली. शिक्षक, विद्यार्थी यांच्यासमवेत अमली पदार्थविरोधी दिनानिमित्त शपथदेखील घेण्यात आली. कार्यक्रमात पोलिस निरीक्षक नितीन गवारे यांनी मार्गदर्शन केले.