रत्नागिरीत जनजागृती कार्यक्रम

‘पटवर्धन’मध्ये जनजागृती कार्यक्रम
सकाळ वृत्तसेवा
रत्नागिरी, ता. २७ : अमली पदार्थविरोधी दिनानिमित्त रत्नागिरी शहर पोलिस ठाण्याच्यावतीने पटवर्धन हायस्कूल व ज्युनिअर कॉलेजमध्ये जनजागृतीपर कार्यक्रमाचे आयोजन करण्यात आले.
पोलिस उपनिरीक्षक शीतल पाटील, पोलिस पावसकर, महिला पोलिस ढवळ व पटवर्धन हायस्कूलच्या मुख्याध्यापिका जानकी घाटविलकर आदींसह दहावीतील ११० विद्यार्थ्यांसह शिक्षक उपस्थित होते. विद्यार्थ्यांना अमली पदार्थांचे दुष्परिणाम, त्यापासून होणारे सामाजिक, मानसिक आणि शारीरिक नुकसान याबाबत विद्यार्थ्यांना जागृत करणे हा कार्यक्रमाचा उद्देश होता.
अजित मुळीक यांनी प्रोजेक्टरच्या साह्याने विद्यार्थ्यांना माहितीपूर्ण स्लाईड्स दाखवल्या. शीतल पाटील यांनी अमली पदार्थांचे दुष्परिणाम, सोशल मीडियाच्या गैरवापराचे धोके, सायबर गुन्हेगारी आणि वाहतुकीचे नियम यावर अत्यंत सखोल व प्रभावी मार्गदर्शन केले.