अमली पदार्थांपासून विद्यार्थ्यांनी दूर राहावे

-rat२७p१४.jpg-
२५N७३४९८
मंडणगड : विद्यार्थ्यांना मार्गदर्शन करताना पोलिस निरीक्षक नितीन गवारे.
-------
अमली पदार्थांपासून दूर राहा
नितीन गवारे ः मुंडे महाविद्यालयात भित्तीपत्रकाचे प्रकाशन
सकाळ वृत्तसेवा
मंडणगड, ता. २७ ः अमली पदार्थाच्या व्यसनाधिनतेमुळे माणसाची दुरवस्था होते. याची माहिती सांगताना व्यसन करणे सोपे आहे; परंतु ते सोडणे अतिशय कठीण आहे. समाजामध्ये अमली पदार्थांचे व्यसन रोखणे, हा या दिवसाचा मुख्य उद्देश आहे. अनेकजण अमली पदार्थाच्या आहारी जाऊन नाहक जीवन उद्ध्वस्त करतात म्हणून विद्यार्थ्यांनी यापासून चार हात दूर राहावे, असे आवाहन पोलिस निरीक्षक नितीन गवारे यांनी केले.
लोकनेते गोपीनाथ मुंडे महाविद्यालयात राष्ट्रीय सेवा योजना विभाग, कनिष्ठ महाविद्यालय व मंडणगड पोलिस ठाण्यातर्फे जागतिक अमली पदार्थ विरोधी दिन साजरा करण्यात आला. या वेळी प्रभारी प्राचार्य डॉ. वाल्मिक परहर, पोलिस गणेश चव्हाण, आम्रपाली आवळे, अमित भोसले, विनय पाटील, उपप्राचार्य डॉ. विष्णू जायभाये, एनएसएस कार्यक्रमाधिकारी प्रा. संदीप निर्वाण, डॉ. अशोक साळुंखे आदी उपस्थित होते. अंमली पदार्थविरोधी दिनावर एनएसएस स्वयंसेवकांनी तयार केलेल्या भित्तीपत्रकाचे प्रकाशन प्रभारी प्राचार्य डॉ. वाल्मिक परहर यांच्या हस्ते करण्यात आले.