-कर्करोग निदान तपासणीत चार संशयित रुग्ण

-rat२७p१९.jpg
२५N७३५०४
ः लांजा: येथे आलेली कर्करोग निदान व्हॅन व सोबत आरोग्य विभागाचे अधिकारी, कर्मचारी.
------------
कर्करोग निदानात चार संशयित रुग्ण
जिल्हा आरोग्य विभाग; लांजात व्हॅनद्वारे तपासणी
सकाळ वृत्तसेवा
लांजा, ता. २७ ः अत्याधुनिक कर्करोग निदान व्हॅन तीन दिवस लांजा तालुक्यात होती. यामध्ये ५८२ रुग्णांची तपासणी करण्यात आली. यामध्ये ४ संशयित रुग्ण आढळून आले आहेत तसेच ४ रुग्णांची बायोप्सी करण्यात आली.
ग्रामीण दुर्गम भागातील लोकांपर्यंत आरोग्यसेवा पोहोचवणे तसेच आरोग्यसेवा बळकटीकरणासाठी व कर्करोगाचे लवकर निदान होऊन उपचार सुलभ करण्यासाठी जिल्हा आरोग्य विभागाने ही तपासणी मोहीम हाती घेतली आहे. त्या अनुषंगाने तीन दिवस कर्करोग निदान व्हॅन लांजात होती. यामध्ये ग्रामीण रुग्णालय येथे २९२, भांबेड प्राथमिक आरोग्यकेंद्र येथे १४४ व वाडीलिंबू प्राथमिक आरोग्यकेंद्र येथे १४६ अशा ५८३ रुग्णांची तपासणी करण्यात आली. संशयित रुग्णांचे नमुने पुढील तपासणीसाठी पाठवण्यात आले असून, त्याचा अहवाल आल्यावर पुढील औषधोपचार सुरू करण्यात येणार आहेत, असे आरोग्य विभागाकडून सांगण्यात आले. या वेळी सर्व वैद्यकीय अधिकारी, आरोग्य सहाय्यक, सहाय्यिका, समुदाय आरोग्य अधिकारी, आरोग्यसेविका, आरोग्यसेवक व आशासेविका तसेच वालावलकर हॉस्पिटल येथील तज्ज्ञांचे सहकार्य लाभले.