वीज कंत्राटी कामगार संघातर्फे दुर्घटनाग्रस्त दळवीला मदत

73825

वीज कंत्राटी कामगार संघातर्फे
दुर्घटनाग्रस्त दळवीला मदत
बांदा, ता. २८ ः वाफोली येथे काम करत असताना वीज खांबावरून पडून गंभीर जखमी झालेल्या प्रतीक दळवी (रा. विलवडे) याला वीज कंत्राटी कामगार संघ सिंधुदुर्गतर्फे आर्थिक मदत केली. संघाचे अध्यक्ष संदीप बांदेकर आणि पदाधिकाऱ्यांनी येथील डॉ. खटावकर रुग्णालयात जाऊन त्याच्या प्रकृतीची विचारपूस करून त्याला धीर दिला.
वाफोली येथे काम करत असताना दळवी याचा वीज खांबावरून पडून अपघात झाला होता. या अपघातात त्याच्या डाव्या हाताच्या कोपऱ्याला गंभीर दुखापत झाली होती. त्याच्यावर तातडीने सावंतवाडी येथील रुग्णालयात उपचार केले होते. त्याला संघटनेकडून आज आर्थिक मदत देण्यात आली. यावेळी वीज कंत्राटी कामगार संघ सिंधुदुर्गचे संस्थापक अध्यक्ष संदीप बांदेकर, सरचिटणीस योगराज यादव, कोषाध्यक्ष बापू देसाई, प्रकाश धुरी, अमोल वाडकर, दत्तप्रसाद कांदे, धनंजय मांजरेकर, रितिक खोरागडे, राजेश वेंगुर्लेकर, कायम कर्मचारी अमित वाघाटे, नरेश मोतीपल्ले, कंत्राटी कामगार गणेश देसाई, भूषण कदम, राजगुरू, मंदार गोसावी, अजित पालेकर, गंगाराम सावंत आदींसह वाफोलीचे सरपंच उमेश शिरोडकर उपस्थित होते.