चिपळुणातील शाळांमध्ये सायकल संगणक सेटचे वाटप

-ratchl२८५.jpg-
P२५N७३८५७
चिपळूण ः जिल्हा परिषद शाळांतील मुलींना सायकल वितरण करताना आमदार निकम व कोकण रेल्वेचे अधिकारी.
------
सायकलसह संगणक संच वाटप
कोकण रेल्वेचा उपक्रम ; चिपळुणातील विद्यार्थ्यांना लाभ
सकाळ वृत्तसेवा
चिपळूण, ता. २८ ः शिक्षण हे प्रत्येक बालकाचा मूलभूत हक्क असून, त्यात तंत्रज्ञानाची जोड दिल्यास ग्रामीण विद्यार्थीही जागतिक स्पर्धेत टिकू शकतात. कोकण रेल्वेने केलेल्या या उपक्रमामुळे शाळांमध्ये सकारात्मक बदल घडतील व गुणवत्तापूर्ण शिक्षणाला चालना मिळेल, असा विश्वास आमदार शेखर निकम यांनी व्यक्त केला.
ग्रामीण भागातील विद्यार्थ्यांना आधुनिक शिक्षणाच्या प्रवाहाशी जोडण्यासाठी कोकण रेल्वे कॉर्पोरेशन लिमिटेड (भारत सरकारचा उपक्रम) यांच्या कॉर्पोरेट सामाजिक दायित्व (सीएसआर) निधीतून तालुक्यातील जिल्हा परिषद शाळांना सायकल, हायजिन कीट, संगणक सेट आणि प्रिंटर यांचे वाटप करण्यात आले.
आगवे व मांडकी येथील जिल्हा परिषद शाळांतील विद्यार्थिनींना सायकल व हायजिन कीट प्रदान करण्यात आले. खरवते व मांडकी शाळांना संगणक सेट आणि प्रिंटर देण्यात आला. कार्यक्रमाला क्षेत्रीय रेल्वे प्रबंधक बापट, वरिष्ठ कार्मिक अधिकारी महेश सारवळकर, जनसंपर्क अधिकारी सचिन देसाई, मुख्य कार्मिक निरीक्षक रणजित केसरे, क्षेत्रीय सुरक्षा अधिकारी अरविंदकुमार, आयटी विभागाचे महेश रेवंडकर, माजी सभापती पूजा निकम आदी उपस्थित होते.