सावर्डे- सौर ऊर्जा जागरुकता परीक्षेत गौरी धामणस्कर तृतीय

at30p7.jpg-
74135
सावर्डे ः गौरी धामणस्कर हिचा गौरव करताना प्राचार्य टी. वाय. कांबळे, प्रा. जयसिंग चवरे.
-------------
सौरऊर्जा जागरूकता परीक्षेत
गौरी धामणस्कर तृतीय
महाविद्यालयातील १३४ विद्यार्थी सहभागी
सकाळ वृत्तसेवा
सावर्डे, ता. ३०: येथील सह्याद्री शिक्षणसंस्थेच्या महाविद्यालयातील वाणिज्य शाखेच्या प्रथम वर्षात शिक्षण घेत असलेल्या गौरी धामणस्कर हिने सौरऊर्जा जागरूकता या परीक्षेत रत्नागिरी जिल्ह्यात तृतीय क्रमांक पटकावला आहे. या सौरऊर्जा प्रशिक्षणात महाविद्यालयातील १३४ विद्यार्थी, आठ शिक्षक आणि दोन शिक्षकेत्तर कर्मचारी यांनी सहभाग घेतला होता.
महाराष्ट्र राज्य उच्च व तंत्रशिक्षण विभाग आणि महाराष्ट्र माहिती तंत्रज्ञान सहाय्यता केंद्र, करिअर कट्टा या उपक्रमांतर्गत सोलर सोसायटी ऑफ इंडिया आणि विवा कॉलेज विरार यांच्यावतीने सौरऊर्जा दिवस आणि सौरऊर्जा जागरूकता प्रशिक्षण अभियान राबवण्यात आले आहे. या उपक्रमाविषयी माहिती देताना प्राचार्य टी. वाय. कांबळे म्हणाले, विद्यार्थ्यांना सौरऊर्जा जागरूकताविषयी माहिती देण्यात आली आहे. त्यात विशेषकरून सौरऊर्जेचा उपयोग किती महत्वाचा आहे, प्रदूषण होत नाही, शेती-व्यवसाय व उद्योगातील या ऊर्जेचे महत्व विद्यार्थ्यांना समजावण्यात आले. भविष्यात सौरऊर्जा वापरासाठी विद्यार्थ्यांना हे प्रशिक्षण अत्यंत मोलाचे झाले. आपल्या गावात, वाडीवस्तीवर, सौरऊर्जेचा वापर किती महत्वाचा आहे, याची सर्व विद्यार्थ्यांना प्रचिती मिळाली. हे प्रशिक्षण पूर्ण करण्यासाठी प्राचार्य कांबळे, करिअर कट्टा समन्वयक प्रा. जयसिंग चवरे तसेच सर्व विद्यार्थी, शिक्षक व शिक्षिकेत्तर कर्मचारी यांनी परिश्रम घेतले.