राजापूर-सोलगाव शाळेत दहावीच्या विद्यार्थ्यांचा गौरव

rat30p9.jpg-
74146
राजापूर ः हापूस लागवड करताना पोलिस निरीक्षक अमित यादव. सोबत उपस्थित दिनेश चौगुले आणि ग्रामस्थ.
----------
गुणवंताचा सोलगाव शाळेत गौरव
राजापूर, ता. १ ः सह्याद्री शिक्षणसंस्थेच्या तालुक्यातील सोलगाव येथील न्यू इंग्लिश स्कूलमध्ये दहावीच्या विद्यार्थ्यांचा गौरव करण्यात आला. या वेळी राजापूरचे पोलिस निरीक्षक अमित यादव यांनी आपण कोणत्याही क्षेत्रात असलो तरी सर्वोच्च स्थानी असले पाहिजे, असे प्रतिपादन करत सर्व विद्यार्थ्यांना शुभेच्छा दिल्या.
सोलगाव येथे झालेल्या कार्यक्रमाला पोलिस कॉन्स्टेबल विजय भुवड, मुख्याध्यापक दिनेश चौगुले आदी उपस्थित होते. दहावीतील विद्यार्थिनी गौरी वारंगे हिने शाळा प्रवेशगीत गायले. मुख्याध्यापक चौगुले यांनी शाळेच्या आजपर्यंतच्या प्रगतीचा आणि राबवण्यात येत असलेल्या विविधांगी उपक्रमांचा आढावा घेतला. दहावीत परीक्षेत शाळेत प्रथम तीन क्रमांक मिळवणारे विद्यार्थी सोहम थोटम, प्रणिता बंडबे, सिद्धी शंकपाळ यांच्यासह दहावीमध्ये उत्तीर्ण झालेल्या सर्व विद्यार्थ्यांचा भेटवस्तू देऊन सत्कार करण्यात आला.
प्रशालेमध्ये आठवीमध्ये प्रथमच प्रवेश घेतलेल्या नवागत विद्यार्थ्यांचे मान्यवरांच्या हस्ते भेटवस्तू देऊन स्वागत करण्यात आले. दहावीच्या विद्यार्थ्यांनी दिलेल्या सहा हापूसच्या झाडांची पोलिस निरीक्षक यादव यांच्यासह ग्रामस्थ, विद्यार्थी यांच्या हस्ते लागवड करण्यात आली.