हिवाळे गावाचा विकास गतिमान करू

swt644.jpg
75845
हिवाळे : शिवसेना जिल्हाप्रमुख दत्ता सामंत यांच्या प्रमुख उपस्थितीत ठाकरे गट पदाधिकारी व कार्यकर्त्यांनी शिवसेनेत प्रवेश केला.

हिवाळे गावाचा विकास गतिमान करू
दत्ता सामंत ः ठाकरे गट कार्यकर्त्यांचा शिवसेनेत प्रवेश
सकाळ वृत्तसेवा
मालवण, ता. ७ : विकासाचे व्हिजन असलेले कार्यतत्पर, अभ्यासू नेतृत्व आमदार नीलेश राणे यांच्या रुपाने मालवण-कुडाळ मतदारसंघाला लाभले आहे. सहा महिन्यांतच हजारो कोटी विकासनिधी त्यांनी मतदारसंघात खेचून आणला. त्यांच्या कामावर प्रेरित होऊन मालवण, कुडाळ तालुक्यांत शिवसेना पक्ष प्रवेशांचा धडाका सुरू आहे. आगामी काळातही विकासकामे व पक्ष प्रवेशाचा धडाका असाच कायम राहील. मालवण-कुडाळच्या सर्वांगीण विकासासाठी शिवसेनेच्या माध्यमातून आम्ही कटिबद्ध आहोत, असे प्रतिपादन शिवसेना जिल्हाप्रमुख दत्ता सामंत यांनी हिवाळे श्री देव गांगेश्वर मंदिर येथे व्यक्त केले.
श्री. सावंत यांच्या प्रमुख उपस्थितीत हिवाळे गावभेट श्री देव गांगेश्वर मंदिर येथे माजी सभापती सुनील घाडीगावकर, शिवसेना तालुकाप्रमुख विनायक बाईत यांच्या पुढाकारातून झाली. यावेळी हिवाळा गावातील ठाकरे शिवसेना पदाधिकारी व कार्यकर्त्यांनी शिवसेनेत प्रवेश केला. सामंत यांनी सर्व प्रवेशकर्त्यांचे शिवसेनेत स्वागत केले. यावेळी शिवसेना जिल्हा सरचिटणीस दादा साईल, उपजिल्हा प्रमुख महेश राणे, उपजिल्हा प्रमुख अरविंद करलकर, तालुकाप्रमुख विनायक बाईत, शहरप्रमुख दीपक पाटकर, माजी सभापती सुनील घाडीगावकर, उद्योजक सुशांत घाडीगावकर, शिवसेना तालुका प्रवक्ते नीलेश बाईत यांसह हिवाळे माजी सरपंच विश्वास परब, माजी सरपंच चंद्रकांत पवार आदी दाधिकारी व ग्रामस्थ उपस्थित होते.
श्री. सामंत म्हणाले, "जनहिताच्या व गावहिताच्या दृष्टीने काम करत असताना गावातच शिवसेना पदाधिकाऱ्यांनी एकत्रित निर्णय घ्यावेत. जनतेचे प्रश्न प्राध्यान्याने सोडविण्यावर भर असला पाहिजे. शिवसेनेत स्थानिक पदाधिकारी हेच आमचे प्रमुख आहेत. शिवसैनिक हीच शिवसेनेची ताकद आहे. गावचा विकास नेहमीच केंद्रस्थानी राहील. गावातील वाहून गेलेल्या साकवाच्या उभारणीसाठी आमदार राणे यांनी तीन लाख निधी तत्काळ स्वखर्चातून दिला. हिवाळे गावाच्या विकासासाठी यापुढे शिवसेना कटीबद्ध आहे."
श्री. साईल यांनी, आगामी काळात महायुतीच्या माध्यमातून आमदार राणेंच्या नेतृत्वात मालवण, कुडाळ तालुका गतिमान राहील, असे सांगितले. प्रास्ताविक चंद्रकांत पवार यांनी केले. सूत्रसंचालन गोपी लाड यांनी केले.