देवगडातील पवार विद्यालयात आषाढी एकादशी उत्साहात

75969

देवगडच्या पवार विद्यालयात
आषाढी एकादशी उत्साहात
देवगड, ता. ७ ः येथील मि. स. पवार पूर्व प्राथमिक विद्यालयात देवशयनी आषाढी एकादशी निमित्ताने शाळेत उत्साही वातावरणात दिंडी काढण्यात आली. यामध्ये पहिली ते चौथीचे सर्व विद्यार्थी सहभागी झाले.
मुलामुलींनी वारकरी वेशभूषा तसेच पारंपरिक वेशभूषेमध्ये विठू नामाच्या गजरात हा कार्यक्रम सादर केला. टाळ, लेझीमच्या सहाय्याने अभंग, ओव्यांच्या जल्लोषात हा कार्यक्रम मनोरंजनात्मक व भक्तिरूपाने सादर करण्यात आला. तसेच तिसरी व चौथीच्या विद्यार्थ्यांनी विविध संतांविषयीची माहिती सांगितली. शाळेतील शिक्षिकांनी आषाढी एकादशीचे महत्त्व विद्यार्थ्यांना समजून सांगितले. या कार्यक्रमाप्रसंगी मुख्याध्यापक प्रवीण खडपकर, पूर्व प्राथमिक विभागातील सर्व शिक्षक व शिक्षकेतर कर्मचारी उपस्थित होते.