गोखले कन्याशाळेची शहरातून दिंडी

-rat७p१८.jpg-
२५N७५९६७
राजापूर : गोखले कन्या शाळेच्या विद्यार्थ्यांनी काढलेली दिंडी.
-----------
गोखले कन्या शाळेची दिंडी
सकाळ वृत्तसेवा
राजापूर, ता. ७ ः आषाढी एकादशीनिमित्ताने शहरातील गोखले कन्या शाळेतील विद्यार्थ्यांनी शहरामध्ये पायी दिंडी काढली. वारकरी वेशातील मुलांसह पालक, शिक्षक यांचा सहभाग असलेल्या या दिंडीतून विठूनामाचा गजर होताना ग्रंथ हेच गुरू, वाचाल तर वाचाल, साक्षरता आणि ‘झाडे लावा, झाडे जगवा’ असा सामाजिक संदेशही साऱ्यांना दिला.
आषाढी एकादशीनिमित्ताने उपक्रमशील शाळा म्हणून नावलौकिक असलेल्या जिल्हा परिषदेच्या गोखले कन्या शाळेच्यावतीने वारकरी दिंडी काढण्यात आली. वारकरी वेशातील मुलांच्या खांद्यावर विठू माऊलींची पालखी आणि भगवी पताका, मुलींच्या डोक्यावर तुळशी वृंदावन अशी दिंडी काढण्यात आली. या वेळी टाळांच्या गजरामध्ये मुलांनी विठ्ठल नामाचा जोरदार जयघोष केला. त्याने राजापूर शहर दुमदुमून गेले. या दिंडीमध्ये मुलांसमवेत मुख्याध्यापिका सायली भडाळे, शिक्षक सुहास काडगे, सुचिता लवाटे, मिताली आंगणे, शाळा व्यवस्थापन समिती अध्यक्ष नीलेश कुडाळी, वैभव चव्हाण, लांजेकर, प्रा. चव्हाण, माळवे आदी सहभागी झाले होते.