महिला सुरक्षेच्या प्रश्नांवर पथनाट्य

-rat१२p१९.jpg -
२५N७७०३८
चिपळूण ः महिला सुरक्षा काळाची गरज या विषयावर पथनाट्य सादर करताना कृषिकन्या.
------
महिला सुरक्षेच्या प्रश्नांवर पथनाट्य
सकाळ वृत्तसेवा
चिपळूण, ता. १२ : महिलांवर वाढते अत्याचार व सुरक्षिततेचा प्रश्न गांभीर्याने मांडण्यासाठी महिला सुरक्षा काळाची गरज या विषयावर प्रभावी पथनाट्य सादर करण्यात आले. मांडकी-पालवण येथील गोविंदराव निकम कृषी महाविद्यालयातील
चतुर्थ वर्षातील कृषिकन्यांच्या समुहाने सादर केले. या पथनाट्याद्वारे समाजात जागरूकता निर्माण करण्याचा प्रयत्न करण्यात आला. पथनाट्यात महिलांच्या दैनंदिन जीवनातील समस्यांवर जसे की, स्त्रीभ्रूणहत्या, छेडछाड, कौटुंबिक हिंसाचार आणि सार्वजनिक ठिकाणी असुरक्षितता अशा विविध मुद्द्यांना भिडण्याचा प्रयत्न या सादरीकरणातून झाला. कार्यक्रमासाठी कृषिभूषण डॉ. तानाजीराव चोरगे शिक्षण व संशोधन संस्थेचे मुख्य कार्यकारी अधिकारी डॉ. निखिल चोरगे, प्राचार्य डॉ. संकेत कदम, जिजामाता महिला कृषी महाविद्यालयाच्या प्राचार्या डॉ. शमिका चोरगे, ग्रामीण कृषी कार्यानुभव समन्वयक प्रशांत इंगवले यांचे मार्गदर्शन लाभले.