कणकवलीत भालचंद्र महाराज संस्थानतर्फे शिष्यवृत्ती मार्गदर्शन वर्ग

कणकवलीत भालचंद्र महाराज संस्थानतर्फे शिष्यवृत्ती मार्गदर्शन वर्ग
कणकवलीः परमहंस भालचंद्र महाराज संस्थान कणकवलीच्या शैक्षणिक मंडळामार्फत पूर्व उच्च माध्यमिक पाचवी आणि पूर्व माध्यमिक आठवी या शासकीय शिष्यवृत्ती परीक्षेस बसलेल्या विद्यार्थ्यांसाठी मार्गदर्शन वर्गांचे आयोजन केले आहे. या मार्गदर्शनाचा प्रारंभ रविवारी २० जुलै रोजी आशीर्वाद भक्त निवास सभागृहात मान्यवरांच्या उपस्थितीत होणार आहे. या शैक्षणिक मंडळामार्फत गेली ४० वर्षे सतत मार्गदर्शन वर्ग, सराव परीक्षा आणि राज्यस्तरीय मार्गदर्शकांचा मार्गदर्शन वर्ग यांचे आयोजन करत आले आहेत. हे मार्गदर्शन रविवारी सकाळी नऊ ते बारा या वेळेत जि. प. शाळा कणकवली नंबर ३ येथे घेण्यात येणार आहेत. या मार्गदर्शन वर्गासाठी प्रवेश घेवू इच्छिणाऱ्या पूर्व उच्च प्राथमिक व पूर्व माध्यमिक शासकीय शिष्यवृत्ती परीक्षेस बसणाऱ्या विद्यार्थ्यांनी आगावू प्रवेश नोंद करून प्रवेश निश्चित करावा.