शेठ म. ग. हायस्कूल ‘बालबोधिनी’त चमकले

79009

शेठ म. ग. हायस्कूल ‘बालबोधिनी’त चमकले
देवगड, ता. २१ ः महाराष्ट्र राष्ट्रभाषा सभा पुणे अंतर्गत हिंदी बालबोधिनी, प्राथमिक, प्रवेशिका तसेच सुबोध या शासकीय परीक्षेत येथील शेठ म. ग. हायस्कूलच्या विद्यार्थ्यांनी यश मिळविले. ही स्पर्धा देवगड हायस्कूल केंद्रावर झाली.
या परीक्षेत एकूण ६२ विद्यार्थी प्रविष्ट झाले. पैकी ५ विद्यार्थी विशेष योग्यता श्रेणीमध्ये उत्तीर्ण झाले. तसेच प्रथम श्रेणीत २५ विद्यार्थी, द्वितीय श्रेणीत १८ आणि तृतीय श्रेणीत १३ विद्यार्थी उत्तीर्ण झाले. प्रशालेतील हिंदी विषय शिक्षक एस. पी. जंगले यांना महाराष्ट्र राष्ट्रभाषा सभा पुणे यांच्याकडून ‘हिंदी भाषा प्रचारक’ म्हणून प्रमाणपत्र देऊन गौरविले. परीक्षेमध्ये यशस्वी झालेले विद्यार्थी, शिक्षक यांचे मुख्याध्यापक प्रवीण खडपकर, पर्यवेक्षिका निशा दहीबावकर तसेच शाळेतील सर्व हिंदी विषय शिक्षक यांच्या हस्ते प्रमाणपत्रांचे वितरण करून कौतुक केले. हिंदी विषय विभागप्रमुख एस. पी. जंगले, हिंदी विषय शिक्षक आर. ए. बांदिवडेकर, ए. एस. धुर्वे, ए. ए. खोत यांचे मार्गदर्शन लाभले.