कृषिमंत्री कोकाटेंविरोधात सिंधुदुर्गनरीत निदर्शने

swt2428.jpg
79666
सिंधुदुर्गनगरी ः जिल्हाधिकारी अनिल पाटील यांना जिल्हा राष्ट्रवादी काँग्रेस (शरद पवार गट) च्या वतीने निवेदन सादर करण्यात आले. यावेळी उपस्थित पदाधिकारी व इतर मान्यवर.

कृषिमंत्री कोकाटेंविरोधात
सिंधुदुर्गनरीत निदर्शने
शरद पवार गटः जिल्हाधिकाऱ्यांना निवेदन
सकाळ वृत्तसेवा
सिंधुदुर्गनगरी, ता. २४ः राज्यातील समस्त शेतकऱ्यांबद्दल असंसदीय भाषेचा वापर करून राज्याची बदनामी करणाऱ्या कृषिमंत्री माणिकराव कोकाटे यांचा मंत्रिपदाचा राजीनामा घ्यावा, या मागणीसाठी सिंधुदुर्ग जिल्हा राष्ट्रवादी काँग्रेस (शरद पवार गट) च्या वतीने आज जिल्हाधिकारी कार्यालयासमोर निदर्शने करत जिल्हाधिकारी अनिल पाटील यांना निवेदन सादर केले.
जिल्हा राष्ट्रवादी काँग्रेस पक्षाच्या वतीने जिल्हाधिकारी पाटील यांना निवेदन देत कृषिमंत्री कोकाटे यांच्या मंत्री पदाचा राजीनाम्याची मागणी केली आहे. यासाठी त्यांनी आज जिल्हाधिकारी कार्यालयासमोर तीव्र निदर्शने केली. यावेळी जिल्हाध्यक्ष अमित सामंत, उत्तम सराफदार, साबा पाटकर, सचिन पाटकर, दीपिका राणे, चंद्रकांत नाईक, रूपेश जाधव, योगेश कुबल, सावली पाटकर, ममता नाईक, रविकांत गवस, पुंडलिक दळवी आदींसह पदाधिकारी उपस्थित होते. निवेदनात म्हटले आहे की, महाराष्ट्र राज्य मंत्रिमंडळातील कृषी मंत्री कोकाटे यांनी राज्यातील समस्त शेतकऱ्यांबद्दल असंसदीय भाषेचा वापर केला आहे. अधिवेशन सुरु असताना चक्क सभागृहात मोबाईलवर रमी खेळणे, तसेच विविध बेजबाबदार वक्तव्य करून समस्त शेतकरी आणि राज्याची बदनामी केली आहे. यामुळे राज्यातील जनतेतून रोष व्यक्त होत आहे. अशा बेजबाबदार व्यक्तीला मंत्री पदावर रहण्याच्या अधिकार नाही. मुख्यमंत्री यांनी त्यांच्या मंत्री पदाचा तात्काळ राजीनामा घ्यावा.’’