पाली मराठा मंदिर प्रशालेत रानभाज्यांचे प्रदर्शन

-rat२४p८.jpg-
P२५N७९५८१
रत्नागिरी : पाली येथील मराठा मंदिर प्रशालेमध्ये विद्यार्थ्यांनी मांडलेले रानभाज्या प्रदर्शन पाहताना शिक्षक, पालक.
----
पाली मराठा मंदिर प्रशालेत रानभाज्यांचे प्रदर्शन
विद्यार्थ्यांचा उत्स्फूर्त सहभाग ; निसर्गाचा परिचय करून देण्याचा प्रयत्न
सकाळ वृत्तसेवा
रत्नागिरी, ता. २४ : आपल्या परिसरातील निसर्गाचा परिचय व्हावा आणि रानभाज्यांची ओळख व्हावी, त्यातील आरोग्याला पोषक जीवनसत्त्वे समजून घेण्यासाठी पाली येथील मराठा मंदिर प्रशालेमध्ये आगळावेगळा उपक्रम राबवण्यात आला. रानभाज्यांचे प्रदर्शन आणि विक्री या उपक्रमाला शेकडो विद्यार्थी आणि पालकांनी उत्तम प्रतिसाद दिला. या रानभाज्यांमध्ये टाकळा, करटली, भारंगी, अळू, कुर्डू, अंबाडा, गवती चहा, केळीचा कोका, पत्री, फोडशी, शेवगा अशा भाज्यांचा समावेश होता. भाज्यांची निवड करणे, ती स्वच्छ करणे, योग्य जुड्या बांधणे, जुड्यांची नीट मांडणी करणे आणि विक्रीसाठी सज्ज होणे ही कौशल्ये विद्यार्थ्यांनी या निमित्ताने आत्मसात केली. प्रदर्शनाचे उद्‍घाटन मुख्याध्यापक खुशाबा करे यांच्या हस्ते झाले. या वेळी शाळा व्यवस्थापन समितीचे अध्यक्ष मंगेश पांचाळ, प्रियदर्शनी रावराणे, विज्ञान विभागप्रमुख सानिका चव्हाण, नेहा गोळपकर, मिलिंद पालकर, पर्यवेक्षिका नम्रता गोगटे, सांस्कृतिक विभागप्रमुख फिरोज तांबोळी, प्रा. आशिष मयेकर, गोजारे, प्रा. अपर्णा जाधव, प्रा. प्रशांत मेश्राम आदी उपस्थित होते.

चौकट
फास्टफूड नको
आजच्या जीवनपद्धतीमध्ये बरेचसे विद्यार्थी जंकफूड आणि फास्टफूड याला प्राधान्य देत आहेत. त्यामुळे आरोग्याच्या अनेक समस्या निर्माण होत आहेत. आपल्या परिसरात त्या त्या ऋतुमानात तयार होणाऱ्या भाज्यांचे सेवन केले तर आरोग्य सुदृढ आणि निरोगी राहील, असा संदेश विद्यार्थ्यांपर्यंत देण्यात आला.