संघटक चव्हाण, शिंदे यांचा अध्यापक संघातर्फे सत्कार

swt2826.jpg
80565
सिंधुदुर्गनगरीः जिल्हा माध्यमिक अध्यापक संघाच्या संघटकपदी निवड झालेल्या प्रशांत चव्हाण, संदीप शिंदे यांचा मान्यवरांच्या हस्ते सत्कार करण्यात आला.

संघटक चव्हाण, शिंदे यांचा
अध्यापक संघातर्फे सत्कार
सकाळ वृत्तसेवा
मालवण, ता. २८ : सिंधुदुर्ग जिल्हा अध्यापक संघाच्या जिल्हा संघटकपदी प्रशांत चव्हाण, संदीप शिंदे यांची निवड करण्यात आली. अध्यापक संघाची जिल्हा कार्यकारिणीची सभा जिल्हा माध्यमिक उच्च माध्यमिक शिक्षक व शिक्षकेतर कर्मचारी पतसंस्था ओरोस येथे जिल्हाध्यक्ष अजय शिंदे यांच्या अध्यक्षतेखाली झाली.
जिल्हाध्यक्ष शिंदे यांनी जिल्हा संघटकपदी कोलगाव हायस्कूल सावंतवाडीचे शिक्षक श्री. चव्हाण व अ. रा. विद्यालय वैभववाडी प्रशालेचे श्री. शिंदे यांची खांद्यावर देऊन त्यांची निवड जाहीर केली. श्री. चव्हाण यांचा जिल्हाध्यक्ष शिंदे यांच्या हस्ते तर श्री. शिंदे यांचा कार्यवाह विजय मयेकर यांच्या हस्ते सोनचाफा झाड देऊन सत्कार करण्यात आला. यावेळी शिक्षकांच्या समस्यांबाबत चर्चा करण्यात आली. तालुका कार्यकारिणी यांच्या फेरनिवडी, तालुका दौरे, नवीन सभासद नोंदणी, विद्यार्थ्यांसाठी शिष्यवृत्ती व एनएमएमएस सराव परीक्षा घेण्याचे निश्चित करण्यात आले.
बैठकीस जिल्हाध्यक्ष शिंदे, विजय मयेकर, संजय परब, पांडुरंग काळे, अशोक गीते, सुदिन पेडणेकर, अर्जुन माळी, मारुती पुजारी, दिगंबर मोर्ये, संभाजी कोरे, भाऊसाहेब चवरे, संजय शेवाळे, राहुल समुद्रे, दत्ताराम कोकरे, आप्पाजी मोहिते, माधुरी खराडे, संगीता पाटील, मंदार चोरगे, प्रशांत चव्हाण, संजू राणे आदी उपस्थित होते.