नाणीज ज्युनिअर कॉलेज मध्ये कारगिल विजय दिन

‘नाणीज’मध्ये कारगिल विजय दिन
रत्नागिरी, ता. २८ : नाणीज येथील माध्यमिक विद्यामंदिर व ज्युनिअर कॉलेजमध्ये १९९९ ला पाकिस्तानवर मिळवलेल्या कारगिल विजयी युद्धाचे स्मरण म्हणून कारगिल विजय दिन साजरा करण्यात आला. या वेळी निखिल आपटे यांनी व्याख्यान दिले. भारतमातेच्या प्रतिमेचे पूजन केले व या युद्धात वीरमरण प्राप्त झालेल्या शूर सैनिकांना श्रद्धांजली वाहण्यात आली. विभागप्रमुख प्रमोद वाघरे यांनी या दिनाचे महत्व सांगितले. आपटे यांनी आपल्या अमोघ व ओजस्वी वक्तृत्वशैलीने पीपीटीच्या सहाय्याने कारगिल विजयाची पार्श्वभूमी, सिमला करार या युद्धात शौर्य गाजवून परमवीर चक्र हा सन्मान मिळवणाऱ्या चार वीर जवानांच्या शौर्यकथा सांगितल्या. विद्यार्थ्यांना मंत्रमुग्ध केले तसेच विद्यार्थ्यांची कर्तव्ये समजावून देताना अग्नीवीरसारख्या योजनेची व परीक्षेची माहिती विद्यार्थ्यांना देऊन त्यांच्याप्रती देशभक्ती व नागरी कर्तव्याची जाणीव करून दिली.