फोवकांडा पिंपळ येथे
दर समोवारी भजने

फोवकांडा पिंपळ येथे दर समोवारी भजने

Published on

फोवकांडा पिंपळ येथे
दर समोवारी भजने
मालवण : श्री महापुरुष फोवकांडा पिंपळ रिक्षा चालक-मालक मित्रमंडळातर्फे श्रावण महिन्यातील प्रत्येक सोमवारी फोवकांडा पिंपळ येथे भजनांचे आयोजन केले आहे. आजच्या पहिल्या दिवशी आई भाग्यलक्ष्मी संगीत साधना प्रासादिक भजन मंडळ बुवा अजित गोसावी, पखवाज संदीप मेस्त्री, तबला प्रेम मेस्त्री यांचे भजन झाले. ४ ऑगस्टला श्री देव महापुरुष प्रासादिक भजन मंडळ त्रिंबक बगाडवाडी बुवा रियांश त्रिंबककर, पखवाज ओंकार गोसावी, तबला बाळा भाठ यांचे भजन होणार आहे. ११ ऑगस्टला श्री देवी भवानी प्रासादिक भजन मंडळ आंबेरी डिचोलकरवाडी बुवा अमित डिचोलकर, पखवाज बबन मेस्त्री यांचे भजन होणार आहे. १८ ऑगस्टला गुरुकुल संगीत भजन मंडळ कुडाळ बुवा अद्वैत पालव, पखवाज ऋषिकेश धुरी, तबला सोहम खोत, झांज आत्माराम पवार यांचे भजन होणार आहे. तरी भजन प्रेमींनी याचा लाभ घ्यावा, असे आवाहन श्री महापुरुष फोवकांडा पिंपळ रिक्षा चालक-मालक मित्रमंडळाने केले आहे.
------------
माणगाव दत्त मंदिरात
मूर्ती रेखणी कार्यशाळा
सावंतवाडी ः माणगाव येथील श्री दत्त मंदिरात गुरुवारी (ता.३१) गणपती मूर्ती रेखणी कार्यशाळा होणार आहे. ज्यांना या कार्यशाळेत भाग घ्यायचा असेल त्यांनी ३० पूर्वी आपली नावे सेलेस्तीन शिरोडकर यांच्याकडे नोंदवावीत. या कार्यशाळेमध्ये विशेषतः नवोदितांना मार्गदर्शन केले जाणार आहे. कार्यशाळेत येताना रंग साहित्याबरोबरच गणपतीची एक डोकी रंगवून आणावी. साधी सोपी आणि आकर्षक लेखणी कशी करावी आणि कोणती काळजी घ्यावी याबद्दल या ठिकाणी प्रत्यक्ष देण्यात येणार आहे. या कार्यशाळेची वेळ सकाळी साडेनऊ ते सायंकाळी चारपर्यंत असेल.
-----------------
रेडी माऊली मंदिरात
हरिनाम सप्ताह सुरू
आरोंदा ः रेडीचे ग्रामदैवत श्री देवी माऊली मंदिरचा वार्षिक अखंड हरिनाम सप्ताह १ ते ८ ऑगस्ट या कालावधीत साजरा होणार आहे. या सप्ताह कालावधीत ३ ऑगस्टपासून पाच दिवस पौराणिक कथेवर आधारीत वाडीवार दिंडी-चित्ररथ देखाव्यासह हरीनामाच्या जयघोषात वाजतगाजत माऊली मंदिरकडे आणले आहेत. सप्ताह कालावधीत मंदिरात अखंड भजने असतात. तसेच मंदिरात विद्युत रोषणाई केली जाते. नारळी पौर्णिमेदिवशी पालखी मिरवणूक काढून समुद्रात नारळ अर्पण करून सप्ताहाची सांगता होणार आहे.
-------------
मालवण येथे ३
ऑगस्टला सभा
मालवण : तालुका सेवानिवृत्त सेवक संघाची मासिक सभा ३ ऑगस्टला सायंकाळी ५ वाजता टोपीवाला हायस्कूल येथे होणार आहे. तरी सर्व सदस्यांनी सभेस उपस्थित राहावे, असे आवाहन मालवण तालुका निवृत्त सेवक संघांचे अध्यक्ष अजित गवंडे व सचिव दामोदर गवई यांनी केले आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com