ईगल तायक्वांदोकडून पटवर्धन प्रशालेत स्वसंरक्षणाचे धडे

-rat२९p२९.jpg-
२५N८०७४६
रत्नागिरी : पटवर्धन हायस्कूलमध्ये स्वसंरक्षणाचे धडे देताना संकेता सावंत व सई सावंत.
--------------
ईगल तायक्वांदोकडून स्वसंरक्षणाचे धडे
रत्नागिरी, ता. २९ : स्वसंरक्षणाचे महत्व लक्षात घेत छोट्या छोट्या क्लृप्त्या वापरून केवळ हात आणि पायांचा वापर करत स्वसंरक्षण कसे करावे याचे प्रात्यक्षिक ईगल तायक्वांदो अॅकॅडमीकडून देण्यात आले. पटवर्धन हायस्कूलमध्ये हे प्रात्यक्षिक आयोजित करण्यात आले होते. सखी सावित्री योजनेअंतर्गत मुलांना स्वसंरक्षणाबाबत प्रात्यक्षिक देण्यासाठी ईगल तायक्वांदोच्या प्रशिक्षक संकेता सावंत आणि सई सावंत यांना आमंत्रित करण्यात आले होते. अचानक एखादे संकट आपल्यावर आल्यानंतर कोणतेही शस्त्र हातात नसताना स्वतःचं संरक्षण केवळ हात, पाय आणि छोटीशी क्लृप्ती वापरून कसे करावे, याची माहिती आणि प्रात्यक्षिके या वेळी उपस्थित विद्यार्थी आणि विद्यार्थिनींना देण्यात आली. या प्रात्यक्षिकांमध्ये विद्यार्थ्यांनाही सहभागी करून घेण्यात आले. स्वसंरक्षणाच्या प्रात्यक्षिकांचा हा कार्यक्रम प्रशालेच्या ठाकूर सभागृहामध्ये घेण्यात आला. या वेळी प्रशालेच्या मुख्याध्यापिका जानकी घाटविलकर व शिक्षक उपस्थित होते.
---