अविनाश जोशी आज होणार सेवानिवृत्त

-rat३०p१३.jpg-
२५N८१००३
अविनाश जोशी
-----
धामणसे विद्यालयाचे मुख्याध्यापक
अविनाश जोशी आज होणार सेवानिवृत्त
सकाळ वृत्तसेवा
रत्नागिरी, ता. ३० : तालुक्यातील धामणसे माध्यमिक विद्यालयाचे स्थापनेपासूनचे मुख्याध्यापक अविनाश जोशी गुरूवारी (ता. ३१) सेवानिवृत्त होत आहेत. त्यांनी ३१ वर्षे शाळा व विद्यार्थ्यांच्या सर्वांगीण विकासासाठी अहोरात्र मेहनत घेतली आहे, अशी माहिती सहकारी शिक्षक संजय सुतार यांनी दिली.
सुतार म्हणाले, धामणसे गावामध्ये सुरुवातीला सातवीपर्यंत मराठी शाळा होती. तिथून पुढील शिक्षणासाठी गावातील मुलांना बाहेरगावी शिक्षण घेण्यासाठी जावे लागे. गावामध्ये पुढील शिक्षणव्यवस्था होण्यासाठी माध्यमिक शिक्षण प्रसारक मंडळाच्या लोकांसमवेत मुख्याध्यापक जोशी यांनी विद्यालय सुरू करण्यासाठी प्रयत्न केले. जून १९९४ ला शाळा सुरू झाली.
क्रीडाशिक्षक गायकवाड म्हणाले, शाळा विनाअनुदानित असताना शाळेला अनुदान प्राप्त करण्यासाठी शिक्षक, शिक्षकेतर कर्मचारी बांधवांना पहिल्यापासून योग्य मार्गदर्शन, सल्ला व काम करून घेण्याची वेगळी पद्धत मी पाहिली आहे. मुलांच्या गरजा व कौशल्ये पाहून विद्यार्थ्यांच्या जडणघडणीमध्ये त्यांचे मोलाचे योगदान आहे. सेवानिवृत्तीनिमित्त गुरूवारी सकाळी जोशी यांच्या घरापासून विद्यालयापर्यंत मिरवणूक त्यानंतर शाळेमध्ये संस्था व ग्रामपंचायतीच्यावतीने सत्कार, स्मरणिका प्रकाशन, दुपारी स्नेहभोजन, रात्री सूरनिनाद संगीतमय कार्यक्रमाचे आयोजन केले आहे. या सोहळ्याला उपस्थित राहण्याचे आवाहन संस्थेचे अध्यक्ष मुकुंद जोशी, सचिव विलास पांचाळ, खजिनदार विश्वास धनावडे यांनी केले आहे.