मेंडलांचे कार्य विज्ञानाला चालना देणारे

- rat३१p१६.jpg -
२५N८११६१
मंडणगड : ग्रेगर जॉन मेंडल यांच्या जयंतीनिमित्त मार्गदर्शन करताना डॉ. शैलेश भैसारे सोबत इतर मान्यवर.

मेंडलांचे कार्य विज्ञानाला चालना देणारे
डॉ. शैलेश भैसारे ः मुंडे महाविद्यालय जयंती कार्यक्रम
सकाळ वृत्तसेवा
मंडगणड, ता. ३१ ः अनुवंशशास्त्राचे जनक ग्रेगर जॉन मेंडल यांचे कार्य विज्ञानाला चालना देणारे असून, त्यांनी आनुवंशिकतेच्या नियमांचा सर्वप्रथम अभ्यास केला. त्यांच्या या संशोधनाचा आधुनिक जनुकीयशास्त्र तसेच वैद्यकशास्त्राला फायदा झाला, असे प्रतिपादन डॉ. शैलेश भैसारे यांनी केले.
गोपीनाथ मुंडे कला, वाणिज्य व विज्ञान महाविद्यालयाच्या गुणवत्ता हमी कक्षाद्वारे वनस्पतिशास्त्र व प्राणिशास्त्र विभागाच्या संयुक्त विद्यमाने अनुवंशशास्त्राचे जनक ग्रेगर जॉन मेंडल यांच्या जयंतीनिमित्त आयोजित कार्यक्रमात ते बोलत होते. ते म्हणाले, मेंडल यांच्या संशोधनामुळे जनुकीय आनुवंशिक आजार, त्याचे संक्रमण व त्यावर उपाय शोधले जात आहेत. त्याचा फायदा मानवी जीवन अधिक सुखकर करण्यास मदत झाली आहे तसेच या संशोधनाचा उपयोग आधुनिक जैवतंत्रज्ञानात होत आहे. त्यामुळे फळांचे व पिकांचे नवनवीन वाण तयार करण्यास मदत होते, असे त्यांनी सांगितले.
या वेळी महाविद्यालयाचे प्रभारी प्राचार्य डॉ. वाल्मीक परहर, उपप्राचार्य डॉ. विष्णू जायभाये, डॉ. संगीता घाडगे, डॉ. विनोदकुमार चव्हाण, ग्रंथपाल डॉ. दगडू जगताप आदी उपस्थित होते. कार्यक्रमाच्या सुरुवातीला विभागप्रमुख डॉ. संगीता घाडगे यांनी कार्यक्रमाचे प्रास्ताविक करून त्यांच्या जीवनकार्यावर थोक्यात प्रकाश टाकला. कार्यक्रमाला सर्व शिक्षक-शिक्षकेतर कर्मचारी व विद्यार्थी मोठ्या संख्येने उपस्थित होते. आभार डॉ. विनोदकुमार चव्हाण यांनी मानले.