अणसुरेतील 166 ग्रामस्थांची क्ष किरण तपासणी

- rat३१p८.jpg-
P२५N८११७०
राजापूर ः आरोग्य तपासणी शिबिराच्यावेळी अधिकाऱ्यांचे स्वागत करताना सरपंच रामचंद्र कणेरी.
....
अणसुरेतील ग्रामस्थांची क्ष-किरण तपासणी
क्षयरोगमुक्त भारत अभियान; संक्रमण रोखण्यासाठी उपक्रम
सकाळ वृत्तसेवा
राजापूर, ता. ३१ : क्षयरोगमुक्त भारत अभियानांतर्गत तालुक्यातील अणसुरे येथील आरोग्य उपकेंद्राच्या कार्यक्षेत्रात झालेल्या क्ष-किरण (एक्स-रे) तपासणी शिबिरात १६६ ग्रामस्थांची मोफत एक्स-रे तपासणी करण्यात आली.
क्षयरोग रुग्ण शोधून त्यांच्यावर वेळेत उपचार करून समाजात क्षयरोगाचे संक्रमण रोखणे, या उद्देशाने शासनाच्या माध्यमातून आरोग्य विभागातर्फे विशेष अभियान राबवले जात आहे. त्यातून अणसुरे येथे क्ष-किरण तपासणी शिबिराचे आयोजन करण्यात आले होते. अणसुरेचे सरपंच रामचंद्र कणेरी यांच्या पुढाकाराने आयोजित केलेल्या या शिबिराला जिल्हा क्षयरोग केंद्राचे पीपीएम समन्वयक श्रीकांत सावंत, आरोग्य साहाय्यक मंगेश पाटील, क्ष-किरण तंत्रज्ञ नीलेश हंगे, क्षयरोग पर्यवेक्षक राहुल कोकणे, प्रयोगशाळा पर्यवेक्षक आंचल मेळेकर आदी उपस्थित होते. या वेळी कार्यक्रमात जैतापूर प्राथमिक आरोग्यकेंद्रातील सुपरवायझर महेश गावडे यांनी टीबीमुक्त भारत अभियानासंबंधित मार्गदर्शन केले. या शिबिराच्या यशस्वीततेसाठी अणसुरे उपकेंद्राच्या आरोग्यसेविका वसावे, आरोग्यसेवक चौगुले, माळी, समुदाय आरोग्य अधिकारी अर्जुन (समुदाय अधिकारी साखर), रूमडे, गटप्रवर्तक आणि आरोग्य विभागातील कर्मचारी यांनी मेहनत घेतली.