रक्षाबंधनाची बाजारपेठेला चाहुल

swt315.jpg
81198
म्हापण ः येथील बाजारपेठांत राखी खरेदीसाठी झालेली गर्दी.

रक्षाबंधनाची बाजारपेठेला चाहुल
खरेदीसाठी लगबग ः म्हापणमध्ये दुकाने सजली
म्हापण, ता. ३१ ः श्रावणाबरोबरच सणांची सुरुवाती झाली आहे. यात महत्त्वाचा असलेल्या रक्षाबंधनाची चाहुल बाजारपेठांना लागली आहे. यानिमित्ताने म्हापण बाजारपेठेतील दुकाने राख्यांनी सजली असून, खरेदीसाठी बाजारात मोठ्या प्रमाणात लगबग पाहावयास मिळत आहे.
म्हापण बाजारपेठ पंचक्रोशीतील मोठी बाजारपेठ असून या बाजारपेठेत पंचक्रोशीतील खवणे ,मळई, निवती,श्रीरामवाडी, परुळे आदी भागातील भगिनी मोठ्या प्रमाणात बाजारात राख्या खरेदी करत असल्याचे चित्र पहावयास मिळत आहे .काही भगिनीं कडून काही दिवस अगोदरच राखी खरेदी करून पोस्टाने आपल्या भावाला पाठवली जाते.
दरवर्षीच्या तुलनेत यावर्षी वेगवेगळे मनी, खडे वापरून बनवण्यात आलेल्या राख्या भगिनींचे मन आकर्षित करत असून खड्यांच्या राख्यांना अधिक पसंत असल्याचे दुकानदारांकडून सांगण्यात येत आहे. तसेच लहान मुलांच्या पसंतीचे कार्टून फुलांसारख्या राख्या ही बाजार उपलब्ध झाले आहेत. श्रावण पौर्णिमा राखी पौर्णिमा शनिवार ९ ऑगस्टला रक्षाबंधन असून या दिवशी आपल्या भावाच्या हातात राखी बांधून बहीण भाऊ रक्षाबंधन हा सण मोठ्या उत्साहात साजरा करतात .केवळ हिंदू धर्मामध्ये नव्हे तर इतर धर्मियांमध्ये हा सण सुद्धा मोठ्या उत्साहात साजरा केला जातो. रक्षाबंधन निमित्त सोशल मीडियावर देखील शुभेच्छांचा वर्षाव सुरू झाला असून परगावी राहणाऱ्या भावाला बहिणींकडून आठ दिवस अगोदरच पोस्टाने किंवा कुरिअरने आवर्जून राखी पाठवली जाते. त्यामुळे म्हापण बाजारपेठेत राखी खरेदीसाठी लगबग बाजारपेठेत पहावयास मिळत आहे.