कीर्तनातून समाजाला जागृत करा ः पुनाळेकर

81227

कीर्तनातून समाजाला
जागृत करा ः पुनाळेकर
सकाळ वृत्तसेवा
ओटवणे, ता. ३१ ः कीर्तनाच्या माध्यमातून धार्मिक विचारांबरोबरच राष्ट्र, धर्म जागृती करण्याची मोठी संधी मिळाली आहे. त्यामुळे कीर्तनाचा सदुपयोग करून समाजाला जागृत करा, असे आवाहन भगवत भक्ती प्रबोधिनी अध्यक्ष ह. भ. प. श्री. पुनाळेकर यांनी केले.
गुरुवर्य कीर्तनभूषण श्रीराम झारापकर शिष्य परिवार यांच्या वतीने आकेरी येथील श्री. विनायक विठ्ठल किर्तन विद्यालयात गुरुवंदना कृतज्ञता सोहळा आयोजित करण्यात आला होता. यावेळी विद्यालयाचे अध्यक्ष मिहिर झारापकर, कार्यवाह ह. भ. प. दिनकर प्रभुकेळुसकर, ह. भ. प. शेखर पाडगावकर, श्री. धामापूरकर, गुरुदास केळुसकर, ह. भ. प. रामचंद्र मेस्त्री, सौ. ललिन तेली आदी कीर्तन तज्‍ज्ञ मान्यवर उपस्थित होते.
यानिमित्त सकाळी देवता पूजन व श्री गुरु प्रतिमा पूजन, त्यानंतर विनायक विठ्ठल कीर्तन विद्यालयाच्या विद्यार्थ्याने सामूहिक मंगलाचरण सादर केले. यावेळी ह. भ. प. सुनील मयेकर, ह. भ. प. संदेश गोसावी, ह. भ. प. विक्रम मुणगेकर, सौ. पुर्वा गावडे, विणा परब, दूर्वा सावंत यांनी किर्तन सादर केले. यावेळी कीर्तन अलंकार पदवी प्राप्त ठरलेल्या ह. भ. प. सुनील मयेकर, ह. भ. प. संदेश गोसावी, ह. भ. प. विक्रम मुणगेकर, सौ. पुर्वा गावडे, विणा परब, दूर्वा सावंत यांना उपस्थित मान्यवरांच्या हस्ते पदवी व प्रशस्‍तिपत्रक प्रदान करण्यात आले.