रोटरी क्लब, संविता आश्रमातर्फे स्वच्छता मोहिम

kan312.jpg
81278
कणकवली ः येथील उपजिल्हा रुग्णालयाच्या परिसरात स्वच्छता मोहिम राबविण्यात आली.
-----------------
रोटरी क्लब, संविता आश्रमातर्फे स्वच्छता मोहिम
कणकवली उपजिल्हा रुग्णालयात उपक्रम; सुधा तायशेटे यांच्या जन्मदिनाचेनिमित्त
कणकवली,ता. ३१ ः येथील उपजिल्हा रूग्णालयात रोटरी क्लब सेंट्रल आणि संविता आश्रमा पणदुरतर्फे स्वच्छता मोहिम राबविण्यात आली. रूग्णालयाच्या परिसरात ही स्वच्छता करण्यात आली.
शासन संचलित सार्वजनिक रुग्णालये, दवाखाने हे सर्वसामान्य जनतेची सेवा केंद्रे असल्याने ती स्वच्छ व सुंदर असावीत, या भूमिकेतून ही मोहीम आयोजित करण्याचा मानस कणकवली येथील संजीवनी हॉस्पिटलचे डॅा. विद्याधर तायशेटे यांनी रोटरी क्लबच्या बैठकीत विषय मांडला होता. रोटरी क्लब कणकवलीचे अध्यक्ष अॅड. राजेंद्र रावराणे, सचिव सुप्रिया नलावडे, खजिनदार अॅड. गुरूनाथ पावसकर आदींना उपक्रम राबवला जावा असा निश्‍चय केला. त्यामुळे डॅा. विद्याधर तायशेटे यांच्या मातोश्री (कै.) सुधा वसंत तायशेटे यांच्या जन्म दिनी २६ जुलै रोजी ही स्वच्छता मोहीम राबविण्यात आली. जीवन आनंद संस्थेच्या संविता आश्रममधील बांधव, सेवा कार्यकर्त्यांकडून कणकवली उपजिल्हा रुग्णालय येथे स्वच्छता मोहिमेचे आयोजन करण्यात आले. दोन ते अडीच तास चाललेल्या या मोहिमेत रुग्णालयाच्या सभोवताली स्वच्छता करण्यात आली. या मोहिमेच्या संयोजनात उपजिल्हा रुग्णालय कणकवलीचे वैद्यकीय अधीक्षक डॉ. विशाल रेड्डी, डॉ. विद्याधर तायशेटे, जीवन आनंद संस्थेच्या संविताश्रमचे संस्थापक अध्यक्ष संदिप परब यांचे मोलाचे सहकार्य लाभले.
जीवन आनंद संस्थेचे विश्वस्त किसन चौरे, स्वयंसेवक शैलेन्द्र कदम,संतोष नाईक यांचेसह आशिकी राणे, महेश आणि मयुरी लोट, सचिन सावंत, विजय नाईक, राजेश सावंत, संदेश करवणकर, शेखर जोशी, सोनी फर्नांडिस, सुनिता कदम यांनी या मोहिमेत उत्साहाने सहभाग घेतला.