स्थानिक प्रजातीच्या दहा हजार वृक्षांची लागवड

- rat३१p३०.jpg
२५N८१२०८
मंडणगड: बोरीचा माळ येथे वृक्षारोपण कार्यक्रमात सहभागी नगरपंचायत अधिकारी, कर्मचारी व मान्यवर.

स्थानिक प्रजातीच्या वृक्षांची लागवड
मंडणगड नगरपंचायत; बोरीचा माळ येथून प्रारंभ
सकाळ वृत्तसेवा
मंडणगड, ता. ३१ ः मंडणगड नगरपंचायतीने यंदा स्थानिक प्रजातीच्या दहा हजार वृक्षरोपांची लागवड करण्याचा संकल्प हाती घेतला आहे. त्यासाठी नगरपंचायत कार्यक्षेत्रातील मुख्य रस्त्यांच्या दुतर्फा असलेली मोकळी जागा, खासगी मालकीची मोकळी जागा, शासकीय जागा, विकासकांच्या जागेतही वृक्ष लागवड आणि संगोपनाचे नियोजन केले आहे, अशी माहिती मुख्याधिकारी अभिजित कुंभार यांनी दिली.
नगरपंचायतीने निर्धारित केलेले लक्ष्य पूर्ण करण्यासाठी नगरसेवक, सामाजिक संस्था, युवा मंडळे, सांस्कृतिक संघटना व नागरिकांना या मोहिमेत सहभागी करून घेण्यात आले आहे. या उपक्रमाचा एक भाग म्हणून २५ जुलै रोजी बोरीचा माळ येथे वृक्षारोपण करण्यात आले. या कार्यक्रमाला मुख्याधिकारी अभिजित कुंभार, नगराध्यक्षा अॅड. सोनल बेर्डे, उपनगराध्यक्ष वैभव कोकाटे, नगरसेवक आदेश मर्चंडे, नगरसेविका सेजल गोवळे, प्रशासकीय अधिकारी महेश दळवी, लेखापाल सागर कारंडे, नगरपंचायत कर्मचारी मनोज मर्चंडे, नीतेश लेंढे, संदीप डिके, रोशन बेलोसे आदी मान्यवर उपस्थित होते.