...अन्यथा ‘बांधकाम’च्या अधिकाऱ्यांना काळे
81505
...अन्यथा ‘बांधकाम’च्या अधिकाऱ्यांना काळे
संजू परब ः गणेशोत्सवापूर्वी रस्त्यांवरील खड्डे बुजवा
सकाळ वृत्तसेवा
सावंतवाडी, ता. १ ः गणेशोत्सव जवळ आला तरी रस्त्यावर पडलेले खड्डे बुजविण्याचे सोडून बांधकाम विभागाचे अधिकारी सुशेगाद बसले आहेत. आठ दिवसांत बांधकाम विभागाने खड्डे बुजवून रस्ते पूर्ववत न केल्यास अधिकाऱ्यांच्या तोंडाला काळे फासू, असा इशारा शिवसेनेचे जिल्हाप्रमुख संजू परब यांनी आज येथे पत्रकार परिषदेतून दिला. फुलपाखरू पर्यटनासाठी प्रसिद्ध असलेल्या पारपोली गावात खड्डेमय रस्त्यावरून देश-विदेशातील पर्यटक कसे जाणार आहेत? याचा विचार बांधकाम विभागाने करावा, असा सल्लाही त्यांनी दिला.
श्री. परब यांनी आज आपल्या संपर्क कार्यालयात पत्रकार परिषद घेतली. यावेळी तालुकाप्रमुख नारायण राणे, पारपोली उपसरपंच संदेश गुरव, ग्रामपंचायत सदस्य त्रृतुजा परब आदी उपस्थित होते. श्री. परब पुढे म्हणाले, ‘पारपोली गाव पर्यटनदृष्ट्या महत्त्वाचा आहे. फुलपाखरांचे गाव म्हणून या गावाला दर्जा दिला असून या ठिकाणी हजारो पर्यटक ये-जा करत असतात. मात्र, या रस्त्यावरील खड्ड्यांमुळे पर्यटकांकडून प्रचंड नाराजी व्यक्त केली जात आहे. बांधकाम विभागाला यासंदर्भात ग्रामपंचायत प्रशासन तसेच शिंदे शिवसेनेच्या अधिकाऱ्यांकडून वारंवार पत्रव्यवहार तसेच प्रत्यक्ष भेटून खड्डे बुजवण्याची मागणी केली आहे. मात्र, बांधकामचे अधिकारी त्याकडे जाणूनबुजून दुर्लक्ष करत आहेत. हे आता सहन केले जाणार नाही. बांधकाम विभागाकडे रस्त्याच्या डागडुजीसाठी आवश्यक निधी उपलब्ध असतानाही ते खड्डे बुजविण्यासाठी टाळाटाळ करत आहेत. त्यांनी येत्या आठ दिवसांत पारपोली गावातील रस्ता खड्डे मुक्त करावा; अन्यथा अधिकारी वर्गाच्या तोंडाला काळे फासू.’ दरम्यान, सिंधुरत्न योजनेचे अध्यक्ष आमदार दीपक केसरकर स्वतः आहेत. त्यांनी पारपोली गावात योजना राबविल्या आहेत. त्याचे श्रेय दुसरे कोणी घेत असून, लोकांना वस्तुस्थिती माहिती आहे, असेही ते यावेळी म्हणाले.
---
सावंतवाडीतील रस्त्यांचीही दैना
ते पुढे म्हणाले, ‘सावंतवाडी तालुक्यातील रस्त्यांचीही मोठ्या प्रमाणात दुर्दशा झाली आहे. नव्याने केलेले रस्तेही खड्डेमय झाले आहेत. कोट्यवधी रुपयांचा बांदा-दाणोली रस्ता चिखलमय झाला आहे. केवळ टक्केवारी घेण्याचे काम अधिकारी करत आहेत. आज आम्ही सत्तेत आहोत. निधी नसता, तर आम्ही गप्प बसलो असतो. मात्र, सार्वजनिक आणि जिल्हा परिषद बांधकाम विभागाकडे आवश्यक निधी असतानाही ते रस्त्यांची डागडुजी करण्यामध्ये कमी पडले आहेत. त्यामुळे गणेशोत्सवापूर्वी तालुक्यातील रस्ते सुरळीत बनवण्याबरोबरच पारपोली गावातील रस्ता आठ दिवसांमध्ये सुधारावा; अन्यथा गप्प बसणार नाही.’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.