कलमठ ग्रामपंचायतीतर्फे स्वच्छतेचा जागर
81509
कलमठ ग्रामपंचायतीतर्फे स्वच्छतेचा जागर
सरपंचांसह सदस्य घरोघरी; ‘स्वच्छ कलमठ संकल्प’चा प्रचार
सकाळ वृत्तसेवा
कणकवली, ता. १ ः तालुक्‍यातील कलमठ गावात कचरा संकलन नव्या नियमानुसार केले जात आहे. त्‍याअनुषंगाने स्वच्छतादूतांसोबत सरपंच आणि ग्रामपंचायत सदस्यांनी नुकतेच घरोघरी जाऊन कचरा व्यवस्थापनाची माहिती दिली. आजच्या पहिल्‍याच दिवशी या मोहिमेला ग्रामस्थांकडून शंभर टक्‍के प्रतिसाद मिळाला असल्‍याची माहिती सरपंच संदीप मेस्त्री यांनी दिली.
कलमठ गावात संकलन होणाऱ्या कचऱ्याचे वर्गीकरण केले आहे. यात ओला, सुका तसेच घातक कचऱ्याचे विलगीकरण करून हा कचरा संकलन केला जात आहे. त्‍याबाबतची जनजागृती सामाजिक मंडळे, बचतगट यांच्यामध्ये करण्यात आली, तर आजपासून प्रत्‍येक घरोघरी जाऊन याबाबत जनजागृती केली जात आहे. यात आजच्या पहिल्‍याच दिवशी ग्रामस्थांकडून उत्स्फूर्त प्रतिसाद मिळाल्‍याचे श्री. मेस्त्री म्‍हणाले.
उपसरपंच दिनेश गोठणकर, ग्रामपंचायत अधिकारी प्रवीण कुडतरकर, सदस्य अनुप वारंग, सचिन खोचरे, पपू यादव, श्रेयस चिंदरकर, तेजस लोकरे, कर्मचारी गौरव तांबे, समीर कवठणकर, प्रदीप कांबळी, राजू कोरगावकर उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.