पावस नारळ व्यवस्थापन

-rat२p१५.jpg-
५N८१६७७
पावस ः कोळंबे येथे नारळावरील कीड रोगासंदर्भात प्रात्यक्षिक दाखवताना कीटकशास्त्रज्ञ संतोष वानखेडे व नारळ संशोधन केंद्रप्रमुख किरण मालशे.
----
नारळावरील कीड व्यवस्थापनाबाबत प्रात्यक्षिक
पावस, ता. २ ः दापोली येथील कृषी महाविद्यालयातर्फे कार्यानुभव कार्यक्रमांतर्गत कोळंबे गावात कार्यरत असलेल्या विद्यार्थ्यांच्या मृदासूत गटाने तेलीवाडी येथे ‘नायलॉन जाळी’च्या साह्याने नारळ पिकावरील गेंड्या भुंगा किडींच्या पर्यावरणपूरक व्यवस्थापनावर प्रात्यक्षिक सादर केले. प्रात्यक्षिकामध्ये प्रादेशिक नारळ संशोधन केंद्राचे कृषितज्ज्ञ व केंद्रप्रमुख डॉ. किरण मालशे आणि कीटकशास्त्रज्ञ डॉ. संतोष वानखेडे यांनी मार्गदर्शन केले. नारळ पिकावरील विविध किडी आणि त्यांच्या व्यवस्थापनाबद्दल शेतकऱ्यांना माहिती दिली. डॉ. मालशे यांनी शेतकऱ्यांना प्रादेशिक नारळ संशोधन केंद्राच्या संपर्कात राहून नारळ उत्पादनवाढीसाठी नवनवीन तंत्रज्ञानांविषयी माहिती व प्रशिक्षणे घेऊन नारळाचे उत्पादन वाढवण्याकरिता प्रोत्साहित केले. या प्रात्यक्षिकास शेतकऱ्यांचा उत्स्फूर्त प्रतिसाद लाभला.