सरगवेत १४ सप्टेंबरला खुली गायन, नत्य स्पर्धा

सरगवेत सप्टेंबरमध्ये
गायन, नृत्य स्पर्धा
दोडामार्ग : सांस्कृतिक लोककला मंच दोडामार्गच्या वतीने उदयोन्मुख कलाकारांना प्रोत्साहन देण्याच्या उद्देशाने महाराष्ट्र आणि गोवा राज्य मर्यादित खुली गायन व नृत्य स्पर्धेचे आयोजन १४ सप्टेंबरला केले आहे. सहभाग घेणाऱ्या स्पर्धकांनी नाव नोंदणीसाठी ३१ ऑगस्टपर्यंत संपर्क साधावा, असे आवाहन केले आहे. सांस्कृतिक लोककला मंचच्या वतीने तालुक्यात प्रथमच महाराष्ट्र आणि गोवा मर्यादित खुल्या सुगम संगीत गायन व नृत्य स्पर्धेचे आयोजन श्री देव खंडोबा सभागृह सरगवे झरे-२ पुनर्वसन येथे केले आहे. नृत्य स्पर्धेसाठी प्रथम ५००० रुपये, सन्मानचिन्ह व सन्मानपत्र, द्वितीय ३००० रुपये, सन्मानचिन्ह व सन्मानपत्र, तृतीय २००० रुपये, सन्मानचिन्ह व सन्मानपत्र. खुली सुगम संगीत गायन स्पर्धेसाठी प्रथम ५००० रुपये, सन्मानचिन्ह व सन्मानपत्र, द्वितीय ३००० रुपये, सन्मानचिन्ह व सन्मानपत्र, तृतीय २००० रुपये, सन्मानचिन्ह व सन्मानपत्र देण्यात येणार आहे. नृत्य व गायनासाठी वेळ कमीत कमी ४ मिनिटे व जास्तीत जास्त ५ मिनिटांचा राहील. गायन स्पर्धेसाठी पारंपरिक वाद्ये असावीत. गायन स्पर्धेत भावगीत, अभंग, भक्तिगीत, नाट्यगीत यापैकी कोणतेही एक सादर करावे. स्पर्धा संपल्यानंतर अर्ध्या तासाने स्पर्धेचा निकाल जाहीर केला जाईल. याचवेळी बक्षीस वितरण सोहळा होईल. नावनोंदणीसाठी शंकर जाधव यांच्याशी संपर्क साधावा.