नारळ विकास मंडळाच्या योजनांबाबत शेतकऱ्यांना मार्गदर्शन

‘नारळ विकास’च्या योजनांबाबत मार्गदर्शन
सकाळ वृत्तसेवा
पावस, ता. ८ ः कृषी विभाग व नारळ विकास मंडळातर्फे जिल्हा अधीक्षक कृषी अधिकारी कार्यालयात नारळ विकास मंडळाच्या योजनांची माहिती देणारा कार्यक्रम जिल्हा अधीक्षक कृषी अधिकारी शिवकुमार सदाफुले यांच्या अध्यक्षतेखाली झाला. या वेळी उपसंचालक बी. चिन्नराज, नारळ विकास मंडळाचे विकास अधिकारी रवींद्र कुमार, सर्व उपविभागीय कृषी अधिकारी, तालुका कृषी अधिकारी व मंडळ कृषी अधिकारी, स्वराज्य ग्रुपचे अध्यक्ष तुषार आग्रे उपस्थित होते. उपसंचालक बी. चिन्नराज यांनी नारळ लागवड साहित्य उत्पादन, नारळाचे उत्पादन व उत्पादकता वाढवण्याची योजना, नारळाचे मूल्यवर्धन व विपणन करणे, नारळ प्रसिद्धी विस्तार व कौशल्य विकास, नारळ विमा योजना आदी नारळाच्या विविध योजनांची माहिती दिली. नावीन्यपूर्ण योजनांमध्ये नारळबागेमध्ये वैयक्तीक व सामूहिक शेततळे योजना, नारळ बागेतील सेंद्रिय शेती योजना, यांत्रिकीकरणासारख्या योजनांची माहिती दिली.